今朝係FB ，突然見到個邀請，係母校邀請舊生加入去「XX中學反對國民教育」既GROUP！

CLICK 入去睇，卻見到有人係到數前校長D衰 野（因為佢宜家係區議員），話佢點解走去支持謝偉俊。D 人左一句無耻，右一句親共咁鬧！但我又睇唔到佢地鬧既野同反對國民教育有咩關係。

咁我多口問左句：「呢個GROUP 究竟係反對咩架？」

嘩，唔問尤自可，一問就死火！即時被幾個人圍攻。我只問左一句者，D 人已經可以知道哂我既政治立場了！有一個人民力量既支持者（佢FB 到大大隻打到明的）已經將我批成建制派了！再講落去我應該好快變成走狗了………

我自懂性以來，自有得投票以來，一直只投票比泛民。陳偉業都投左唔知幾多屆了。今時今日竟然被人歸納為建制派。原因就係因為我問左句，支持謝偉俊同反對國民教育有咩關係？點解要放埋一齊黎講…………
所以點解我完全唔能夠接受人民力量就係咁解了。根本同其他尊制既政權無分別！根本就係另一個專制既小群！你唔好話反對，只要你意見同佢地唔一致。佢地第一時間將你打成黑五類！五毛人士！連你有咩政治取向都唔駛問的。同紅衛兵有咩分別？分別只係佢地無權無勢者。呢班人如果比佢地掌權，咪又係由一個極權走向另一個極權。

我知唔應該一竹稿打一船人。人力中都有理智的。只少我地好友都有幾個。但可惜，我見到同遇到既，大部分都好似以上個位朋友咁。三句唔埋兩句就幫你標籤。你唔同人分享你既政見，卻妄想人地唔作思考就認同你？稍有少少唔認同就即時上綱上線，呢d 咩行為？咁都叫民主？