首先, 我唔係賣廣告, 所以我唔會POST個舉辦機構, 我純粹只係想講一件經歷......

話說我上星期上左一個好Q變態的課程, 課程名稱就係叫"基本課程"
返學時間為星期三至五, 晚上6:30 - 晚上12點 (但我三晚都overrun到12:15先放學)
星期六, 早上10點至晚上11:30, 星期日, 早上10點至下午6:30, 星期一 (任擇個半小時同你吹水), 星期四畢業 (晚上7:30-10:30)

其實睇到呢個上課時間, 大家可能已經略有所聞, 知道坊間有呢類俗稱洗腦課程的東西
其實我無上哂所有課, 我上到星期五晚, 已經放棄無再返學 (雖然堅SIDE錢, 但我唔想被腦)

我講下返左三晚的經歷
星期三晚:
當晚返學時間其實係7點, 因為要先登記, 後上堂, 這晚的內容導師自我介紹一番, 再邀請部份同學講下點解讀呢個課程
然後, 導師用左over一小時去講校規, 校規TOTAL 12條, 其中最為我深刻係, 不准與同學"涉涉"私語, 不准坐在課堂前認識的人隔離, 要準時返學, 不准在課室內飲食 (包括水), 不准開電話, 不准公開課程內容 (我做緊)
講完後, 佢會邀請所有願意守校規的同學企起身 (後來我發現原來係無可能守規的), 之後就放BREAK
BREAK完後, 導師再將我們分成7個小組, 每組有7-8人, 之後的時間都係比小組自己分享點解要參加呢個課程
就係咁, 我捱完我的第一晚

星期四晚: (如果唔早收工, 絕對無可能準時, 但當日返工真係累到我想死, 再夜晚返學, 個人係fully exhausted)
一開始, 又係做D個人分享, 講下昨晚有乜得著, 又比其他人講下點解join course
之後, 分成2人一組, 然後先不停咁四目交投望住你partner (好鬼尷尬), 再係你partner面前玩RPG, 代入你父母細過點對你
然後又UP一大輪理論, 最為我深刻就是詳細講解have to 同 want to
Break後, 再分成二人小組, 講下自己以前受害的經驗同從另一角度去睇呢件受害的事件
終於呢日係極度疲累下捱過我的12點

星期五晚 (決定唔返工, 因為真係起唔到身返工)
今次一返學, 導師叫無做功課的企起身 (我真係唔記得左做), 然後佢逐個問點解唔做功課 (得七個人站起身, 包括我同我朋友)
我答唔記得, 比佢UP一輪廢話, 我FD夠串, 答唔想做, 然後同佢開火一輪
之後又叫曾經遲到過的同學站起來, 解釋點解遲到, 縱使你理由幾合理同充份, 都係會比佢話你幾野
完左呢PART後, 玩左個用唔同方法行過對面的遊戲,
之後玩集體催眠, 即係個D較暗燈, 輕音樂, 好雄渾的聲音, 然後放break
break後, 玩分組紅黑遊戲.....

上埋今晚, 我終於無再返學, 但真係到星期六時有奪命追魂CALL你返學

打左咁多, 我好似無講點洗腦, 因為呢個係基本課程, 佢目的只係摧毀你自己個套信念
去到高級課程, 就真係洗腦 (我係後來上網SEARCH哂所有資料)

大家有興趣先再問啦, 我估都未必有人咁得閒睇哂呢段文
我都打到好累了