上年11月初，到左日本名古屋，進行左一次日本中部自駕遊。五日既旅程（實際得四日），途經岐阜、長野、富山各縣。到訪木曾馬籠宿、阿爾卑斯千畳敷、白樺湖、蓼科高原、新穗高高原、乘鞍高原、奧飛驒溫泉區、高山巿、白川鄉、再返名古屋。行程都算係豐富囉。原意係賞楓。不過時間唔太配合，大部分既地方都未有紅葉，所以只可以話係半賞楓半賞景。連著名景點，例如上高地，立山黑部等最後都被迫放棄。不過有機會品嘗到飛驒牛，令人一試難忘。
另外，臨行前幾日，岐阜縣發生火山爆發，香港就出現左雨傘運動，令到我上機前個心情都係十五十六，日日係酒店都留念住新聞，都令今次既行程變得十分難忘。不過，當你面對壯麗既景色，平靜既山水，心情都可以得到一時既釋懷。

呢到係長野縣既「中央阿爾卑斯千畳敷」！