我睇番D陣，原來真係好多人上周都全倉清貨。估唔到！原先無諗過會咁多人咁勇………

28周雖然只係過左一半，仲有今晚呢場，但相信重槌熱刺既都死左唔少人（尤其係後防）。今晚就算大手交易，相信全周拉勻個分差都唔會差好多。即係，諗住上周突圍既朋友，個算盤似乎敲唔響囉。

不過，X翁失馬，焉知非福。可以由頭黎過，無哂D人既束縛，話唔定仲可以買到D好野。好似呢幾周雙周賽，人人買一樣既人，結果都無咩料到。相反，唔買雙周既，煲曼聯既就發囉。買到上場西布朗對家既富咸都執唔少。仲有韋斯咸呢？有時最熱門又未必好事既。

但另一方面，仲有KEEP住7個幾基圍爾、八蚊唔到既唐寧、五蚊迪賀奴、二個幾列葛特、八蚊費度或保你大，或九蚊連拿（呢個我諗得仲仔會KEEP）………等等等等，會唔會覺得自己好似多左D錢用，但就唔夠位買心頭好呢？

KEEP到十三蚊雲佬，九蚊C7既，再捱多一周啦，硬食多一周，好日子就黎緊架啦。