好多時我地偷人，只會單單睇佢今場有冇入波，高唔高分。其實咁樣係好錯既。有時有d 球員，入左波，好高分，你都無必要偷。原因係，你根本都唔會用。例如今周西布朗、米杜士保有cs，你下周都唔敢用佢d人，咁偷黎做咩呢？所以，偷人，一定要先睇賽程。偷d 你會用既人。
但同捉棋一樣，有人睇下一步，有人睇下兩步，有人睇到下十幾步。所以偷人、買人、keep 人，都可以睇多少少。唔只睇下一周，有時可以買多一兩周。上兩周有人問放唔唔放迪科爾，若然你有睇佢跟手既賽程，你就唔會放（主場對史篤城）。所以，有時考慮買人或換碼，不妨多睇幾周，或者會比到d 啟示你。

下周就無得偷人架啦。d 價都升哂。但相信你仍然會煩緊keep 邊個，換邊個。咁下周既賽程，你地隨時可以搵到，我無謂再多講。要講既，偷人個個TOPIC 都講哂，看官自己去睇啦。我今次想講既係，再下一周既賽程。再下一周有咩特別？
若然照YAHOO 既一貫慣例，再下一周應該係雙賽周。25/26 號一周既賽事，同28/29 號一ROUND 既賽事，同屬於一周，應該會係雙賽周。所以，睇睇下下周既賽事，睇下會唔會影響你買人KEEP 人既意向？