進球訓練技巧攻略

筆者資料
本人球隊為RETURN – bellamy_bff, 此球隊為第5季參仙art 1
前言
哩篇文章既目的係分享下係過往咁多HT賽季累積落黎既訓練前鋒苗心得同炒賣技巧. 基本上我地壇大部份既玩家都已經係高手中既高手, 所以其實黎緊所講既野好大部份我相信大家都已經知道. 所以睇完之後無得著既話千祈唔好柴我台同叫我回水, 因為哩篇既既對象絕對唔係你地. 哩篇野既目的係比一d新晉玩家去參考, 起碼在佢地剛踏足HT既道路上, 走少一d冤枉路. 而且黎緊我講及既炒賣賺錢方法, 在Division 1-3(甚至一d競爭性頗強的D4聯賽... 例如K先生同科先生身處的那一組 XDD)既玩家身上大部份都係唔work的, 因為大部份既做法對係對於球隊實力上有重大既損傷. 不過當一d新晉球隊位處D4或D5不愁成績, 又想於短時間內提高現金流下, 不妨考慮下睇下我以下寫既文字.
至於而家練緊非進球既好友, 我唔建議你地轉換訓練, 因為你地已經對你現有既訓練產生一定既認識, 況且而家亦都唔係轉換訓練買新苗既好時機(季初換苗實貴!), 搞不好既話隨時比而家既情況更差. 其實短炒不外乎係對"人工"(salary)&"全面技術指數"(TSI)同球員本身既能力上拉上關係, 所有既訓練其實都係一樣的, 你可以套用番落你自己既training度, 任何既訓練種類都係一樣會work.
***********************************************************
Part 2 - 入門篇
訓練前鋒最基本一定要買到好苗. 以炒賣角度黎講, 好苗既介定係"暗藏技能"價值大於買入價.
簡單d講就係以合理價買入一d會短期內升進球技能既球員...
如何揀苗? 撇除買入價(之後會有篇幅再講)...要看"人工"(salary)&"全面技術指數"(TSI)....
想賺錢賺得快, 當然要買一d好快升級既球員, TSI同wages都係一d可以睇到個球員接唔接近升級既指標.
以下係我自己在過往炒賣時累積番黎的data... 人工果度準確度幾高, 但TSI相對無咁準....

2.1 人工
當一個球員係new pull 或岩岩過生日時, 人工係一個非常誠實既指標, 而副技相對影響人工既差別亦相對TSI影響較細(主技越高影響越細).
記住個球員個守門技能一定要極其糟糕, 如果唔係就唔準!
不過人工最大問題係每次球員生日先至update, 無train過當然無問題, 但train過既話就會低估左球員既技術水平, 所以要睇埋TSI.

2.2 TSI
想對於人工, TSI係每週update的, 所以"理論上"個可信性係來得較人工準! 但問題係..... 果個數字係準... 但代表d乜? 老實講我都唔知... 但當累積左一定既經驗後... TSI相對黎講係一個幾具參考性既indicator...黎如話...
"我買左一個tsi=4000既強大球員, 副技全低過5, form=6, 結果佢比我train兩週就升到杰出進球"
咁我下次見到個差唔多既球員, tsi竟然有4200, form又係6, 咁我可以聯想到, 哩個球員係比我上一個球員更加快升! 結果出黎, 有8成準, 2成唔準. 試得多, 久而久知, 我就會知道tsi同球員技能既關係大約會係點. 配合埋alltid (http://alltid.org/), 得出黎既準確度都相當唔錯.
壞處: 頭好多次乃野就少不免.. 而且對住主要係訓練solid sc->excellent sc既玩家黎講... sorry.. 睇TSI意義唔大, 都係用番人工吧! 睇TSI主要係比優秀進球以上技能為主的...
以上其實都係好概括咁去講, 下part會再細談.

[待續...]Part3: 細談人工與TSI在各級進球技能的關係...