回帖︰第三十二回傷心
羅凱樑Tresure Hunt之後整個人也回復了平常一樣，
但不同的是，羅凱樑比從前沉默寡言得多
對自己班的女同學們可以說是一句起兩句止
對何嘉碧仍然是不理不睬
羅凱樑的心已受重傷，畢竟，也需要時間去消化之前發生的東西
Tresure Hunt後的第二個星期一，
羅凱樑回校後從校務處內聽到李太和曹操的對話
「曹Sir，最近你個班發生既事都多了，
先係洪嘉媛擅自離開課室
羅凱樑係競技日跌斷手，
再之後的第一個上課日你果班既班房門的門鎖離奇損壞
你果班學生係唔係因為競技日既事而導致？」
「睇來又唔似，三件事看似有連貫，但又似係獨立事件
今次睇來都有ｄ頭痛了，搵日一定要睇下班學生發生咩事」
羅凱樑聽到曹老師有意的離開，他也不便久留，一溜煙的離開，
可惜的是，他走得不遠，在一樓的走廊上被曹操叫住了
「羅凱樑！麻煩你一陣去教員室等我！」
羅凱樑回頭一看，曹操手上有一堆B4 size 的文件夾
但因為都有一定的距離，羅凱樑看不清上面寫著什麼
羅凱樑點頭後，走回課室放下大紙袋，提著另一個紙袋走到教員室內
教員室曹操的桌面很是凌亂，
劉主任看見了羅凱樑，就叫他在她的位子等著
劉主任也怕曹操凌亂的桌面，
再加上疊得老高的長簿及etv handbook會倒下而壓傷羅凱樑
曹操返抵教員室
「羅凱樑，你隻手好d未」
「好左d了，不過最快都要一個月先後可以拆石膏」
「哦，不過有樣野想問你好耐」
羅凱樑奇怪著，但心中也不其然嚇了一驚
「我最近，都唔可以話最近，自從開學以來，我總覺得班入面既氣氛好怪
再加上，班上所發生的事，好似總係同你有關」
羅凱樑臉上出現了不明所以的表情，心想
不是曹操發現了我和何嘉碧．．．
「但係，暫時來講，我未搵到證據
但我希望你繼續要做好自己，唔好再受其他同學既影響
受左影響，對你自己都唔係太好」
羅凱樑的臉仍是一副不明所以的表情
曹老師沒有再問下來，只是叫羅凱樑把一本點名冊拿回班房
羅凱樑返抵班房，同學們也陸續回來
羅凱樑和平常的一樣，做著點名的工作
何嘉碧也返抵班房，上前正欲開口
羅凱樑就搶先的道
「何嘉碧，麻煩你一陣間轉堂既時候將書簿紙羅去校務處，
同埋叫王詩杰同你一齊去推部電視機入來，小息後有etv堂」
說完就轉身返回自己的座位上，等著上課
何嘉碧再走上前，今次的是她很不情願的輕聲對羅凱樑說
「對唔住．．．」
羅凱樑沒有回應，反而大聲叫
「起立！敬禮！」
平常負責叫起立的周沛然沒有上學，
全班同學非正式地認定了羅凱樑會代替周沛然做叫起立的工作
何嘉碧嚇了一驚，但也不得不返回自己的座位上
曹老師把手上的簿放在教桌上，但沒有開始上課
以一個鎮定但嚴肅的神態看著同學們
同學們不太明白曹操今次為什麼會變得那麼的嚴肅
但總覺得他會有事宣佈，而且是一個很大的宣佈
「各位同學，學期過左都有一半，係呢半年入面，
我發現有一個現象
就係班中的氣氛唔太和諧
呢半年來，發生係班上面既事太多，
雖然我唔知係為左咩原因，
但係呢ｄ事情都係集中發生係某幾個同學身上
我希望呢ｄ唔太和諧既事件，唔好再係班入面發生
而同時，我會分別見涉及呢ｄ事情既同學，了解發生左咩事
如果係剩低呢半年內，再有呢ｄ事情發生，
我會作出嚴正辦理，並作出行動阻止事情發生
最後再公佈一件事
由下星期一起，現時仍擔任班長的四位同學暫停班長工作
由每行行長輪任班長職務一星期，為期一個月
但各原班長仍需保留班長章，執行對外之代表工作
即係話行長於當值之星期內可以執行班長於班內的工作，
例如點名，收功課，轉堂記名等
但不能以班長職銜代表本班，代表的仍是原本的四位班長
經訓導組同意，羅凱樑和王詩杰可於小息時留在班房，
但其他同學，小息鐘後，必須離開班房
宣佈就係咁多，而家開始上堂，大家請翻開數學書第１２課」
同學們的反應除了驚訝，還是驚訝
他們沒有想過，曹操會宣佈把原來的四位班長停職
但是停職後沒有收回班長章，各人也不明白曹操的用意
轉眼間，兩堂連堂的數學堂上完，就是小息
何嘉碧再一次走到羅凱樑的座位，問過究竟
羅凱樑問何嘉碧
「你搵我有咩事？」
「我只係想同你講對唔住．．．」
羅凱樑無奈的答道
「你又無做錯野，做咩無啦啦同我講對唔住」
羅凱樑苦笑的走開了
曹操叫道，
「而家要落去操場了」
羅凱樑把夾好的簿交給蘇芷瑤，叫她拿到禢老師的桌面上
同學們離開了，羅凱樑問王詩杰
「曹操係唔係發左神經．．．今日竟然會咁樣宣佈」
「明顯地，佢係知道左你地四個係有唔妥，只係未有明言
我覺得今次曹操係比緊一個警告你地四個，如果再生事
我只怕曹操會狠狠的把你地四個重罰，將你之前一切既努力盡廢」
「係你去左tresure hunt既時候，
我係隔離班聽到一個關於洪嘉媛及何嘉碧既消息」
羅凱樑留心的聽著
「洪嘉媛前次擅自離開班房被聰哥捉個正著，曹操大發雷霆，
除左狠狠的罰抄之外，仲記左一個小過，及係呢個月每日要留堂
至於留堂懲罰既內容就真係唔知了，但係見到佢而家呆哂，都知道係非同小可
「何嘉媛同黃潔貞既情況都唔係太好
佢地由男更衣室返去比賽場地既時候，比蔡主任捉到
好彩既係掩飾得當，同時又係班代表，所以先沒比蔡主任罰
但仍然都係比佢鬧左一餐」
「哦．．．．即係話，果日係更衣室既事．．．曹操都知道」
「睇來似了，所以你更加要小心」
「我會了，不過經過今次既事之後，過去的都係要佢過去」
「唉．．．」
「係呢王詩杰，聽講你都有一個對象喎，係唔係真架」
「係，佢叫李婉婷，上次係Tresure Hunt既Meeting識的，都係讀４Ａ班的」
「哦？不如咁了，下一個小息我都要過去４Ａ，你同我一齊過去啦」
「．．．」
「仲咩無聲出的，一陣一齊過去啦」
小息就在這時完結，同學們也回到班房
何嘉碧在轉堂的時候就會走到羅凱樑的座位團團轉
但是羅凱樑的態度都是變成“話不投機半句多”的情況
每次都係一句起，兩句就止，神情空泛
何嘉碧終是走到蘇芷瑤的座位問過究竟
但蘇芷瑤沒有回應，只是叫何嘉碧稍等
第二個小息到了，羅凱樑和羅展宏一起就走出了班房
何嘉碧一把的走到班房門前，問道：
「羅凱樑，我真係對你唔住．．．但係．．．」
羅凱樑看到不遠處曹老師的身影，急忙地說
「噓，對我咩唔住？你岩嘛，不過我要過４Ａ果班整Ｄ野，遲Ｄ先再講」
然後就一溜煙的離開了班房
曹老師就在他們離開不久，就和劉主任到達了班房，
他還叫了何嘉碧留下，看似想問她一些東西
曹老師叫同學們離開課室，室內只有他同何嘉碧及劉主任
「何嘉碧，今次我同曹老師來，係想問返你關於競技日當日既事，
希望你可以如實回應」
曹老師開始問道
「你同羅凱樑係唔係正在拍拖？」
何嘉碧心中嚇了一驚，但神色凝重
「唔係，我同大部份既同學一樣，同佢係好好既朋友」
「競技日當日，點解你會去男更衣室」
何嘉碧心中再嚇了一驚，但神色仍然凝重
「當日，羅凱樑漏左一件外套係班房，馬明謙托我羅去比佢的」
「你羅左件外套比羅凱樑之後，點解無即時離開男更衣室，並係當地逗留？」
何嘉碧表面仍然沒有表情，但是心中卻激起了千層浪
她萬萬的想不到，曹操竟然會問這個問題，
她設法回答，但總不能回答那樣的．．．
最後她道，
「當然我問羅凱樑，有野羅返班房，
羅凱樑諗左好耐先答無，我同佢就離開了更衣室，
但係更衣室既大門，洪嘉媛出現，擋住通道，羅凱樑要求佢讓路但不果
羅凱樑就弄傷手了，之後聰哥發現我地既情況，就叫開左洪嘉媛了」
「好，我問既就係咁多，你而家可以落去小息了」
何嘉碧就離開了
「劉主任，你覺得呢件事如何」
「我照睇呢件事同洪嘉媛所供既無太大出入，應該可以唔駛再問落去了
不過我反而想問問羅凱樑，是否同何嘉碧所講相同，如果相同，
今次事件就可以了結，否則就要交比王Sir處理了」
「好」
羅凱樑和王詩杰剛抵達４Ａ班的班房，
羅展宏和黃潔貞就即時的把羅凱樑和王詩杰拉到他們的座位上
羅展宏和黃潔貞的神情非常之凝重
羅凱樑問道，
「你地兩個發生左咩事，點解．．．」
羅展宏輕聲的道，
「今次大獲了」
「大獲？發生咩事了？」
羅展宏向羅凱樑的某個部位輕輕拍了一下
羅凱樑即時會意發生了何事，但王詩杰仍然不太明白
羅凱樑就從羅展宏的抽屜內抽出了一張紙，用鉛筆輕寫著一句說話
“競技日更衣室事件出事了”
王詩杰立時明白發生何事，沒有追問下去
黃潔貞輕聲的道，
「羅凱樑，王詩杰，此事非同小可，我收到消息
劉主任同曹老師已經開始調查呢件事，並已經對我同展宏問過話
我同佢就話係因為展宏漏左野我先落去，
而我地四個走既時候比洪嘉媛擋住去路，而比聰哥發現」
「咁都好，但係曹老師佢地無再問過你地其他野？」
「無了，但係佢地問得我地兩個，都會問你同何嘉碧」
「唔通頭先．．．．」羅凱樑驚叫道
「就係，好可能佢地而家就問緊何嘉碧．．．」
「咁大獲了，唔怪得何嘉碧呢幾日成日都想同我講野，但係我又無理過佢」
「真係大件事了，而家就係希望何嘉碧就講既同我地所計劃既無太大出入」
「但願如此．．．王詩杰，你眼定定做咩．．．．」
「無．．．無．．．無．．．」
羅展宏應道，
「王詩杰，你放心啦，佢未有男友，我幫你搭路啦
羅凱樑，不過我建議你一句，
曹老師佢地好快會黎搵你，你要小心行事了」
「好，咁我同王詩杰返去先了」
「好，如果呢個時間你地成日過來，都有可能比佢地懷疑的」
「好，咁電聯啦，bye」
「bye」
羅凱樑和王詩杰兩人返回自己的班房了
羅凱樑返抵班房後，王詩杰就走到地下的操場找黃倫致，
他已經知道應該如何做了
就在王詩杰離開不久，禢老師就到了班房
「羅凱樑，曹老師有個message比你，你睇睇先
說著她就把一張紙條交給羅凱樑及把一疊簿放在班房的簿櫃中」
「唔該禢老師」
羅凱樑閱讀著紙條，上面寫著
“請於明日返抵學校後即時到教員室找我　－　曹老師”
「不是那麼的快嘛」，羅凱樑心想
羅凱樑留了一張紙條在何嘉碧的抽屜內
“何嘉媛，我明白你想對我說什麼，但我很想靜靜　－　羅凱樑”
小息過去了，羅凱樑的臉上帶點傷心，帶點無助，一個人的坐在自己的位中
同學們返抵課室，何嘉碧看到了紙條，走到羅凱樑的位說道
「對唔住．．．」
「噓，你都無錯，你唔駛同我講對唔住喎，羅凱樑笑著離開了」
但明眼的同學看出，羅凱樑心如刀割的傷口仍未癒合，
何嘉碧實不宜找羅凱樑的
何嘉碧問蘇芷瑤
「羅凱樑究竟點諗的？」
「佢仍然好傷心，只係因為你狠狠的傷左佢既心」
「咁我應該點做？」
「而家可做既唔多，但係我收到４Ａ班相熟同學既消息，
唔只你，連羅凱樑同埋４Ａ既代表都要比曹操佢地問詳情
羅凱樑顯然未知道呢件事，但係羅凱樑應該會係短時間內知道呢件事
四個人而家得返佢未比曹操同劉主任問，結果都要等佢比佢地問左先知了」
「唉．．．我真係做錯左了．．．」
「但願無事」
羅凱樑在回家的地鐵車程中，遇見了４Ａ班的關雅瑩
「咦？羅凱樑，你又係搭地鐵返屋企？」
「係呀？你都係？」
「係呀，我剛剛搬左去藍田，而家都要靠地鐵了」
就這樣，他們兩個就打開了話匣子，羅凱樑的心情好多了
同時關雅瑩和羅凱樑兩個有了好感
「時間真係太快了，我要落車了，咁聽日見了」
「好，bye bye」
羅凱樑會如何回答曹老師和劉主任的提問？
同時羅凱樑會否以關雅瑩取代何嘉碧？
請留意愛情交叉點第三十三回 – 風紀風雲！