回帖︰黃 興 桂: 紅 魔 唔 煲 粥 炒 番 鑊

文： 黃興桂 06/10/2007

數周中歐聯最大冷門，非利物浦主場輸波莫屬，正如主帥賓尼迪斯所講，呢場係佢上任後「紅軍」踢得最曳一戰，中場施素高少機會打，開波後不斷斷纜失信心，另外，班拿約非正宗翼鋒，球隊冇側擊，高治自然形同虛設，加上馬賽表現完美，造就呢個冷門賽果。
至於車路士主帥格蘭就釜底抽薪，把心一橫派出三個防守中場馬基列尼、艾辛同約翰米基爾，憑住呢招搶得中場優勢。華倫西亞技術型中場多，面對車路士班硬漢完全處下風，今場再一次證明，單靠技術未必敵得過體力化踢法，車路士三個半工兵策略相當奏效。

推介2:0、3:0波膽

環顧華倫西亞條防線，根本冇一個球員可以頂得住杜奧巴衝刺，直接導致球隊失第二球輸波。
歐聯成功反彈後，車路士聽日會返英超鬥保頓，到底可唔可以維持水準，Peter唔敢妄下定論，都係適宜觀察幾場賽事，睇清楚先。
今晚曼聯會主場迎戰韋根，今季「紅魔鬼」好多場賽事都煲魚生粥，唔代表佢踢得唔好，球隊雖然未處於最佳狀態，但能令對手食蛋，同時把握僅有機會入波，呢點已經好好。今次對住韋根，主Ｗ乏味，Peter認為曼聯可至少贏兩球，推介2:0同3:0波膽。