回帖︰第5集
然而,丘一帆有點兒多管閒事的感覺，因為他連他自己的事情都未弄好，便去管別人．他叫張佳佳放膽去追求石文靜，而他？又不敢對張佳佳說出自己都喜歡羅美塋，而且還是不敢追求她．教人做事永遠是不是都比自己去做更容易？帆一直都在等待時機，上天的一個機會，那機會上天真的會沒有條件給予一帆？那就真的是天曉得．
張佳佳當天晚上從一帆家中點家之後，獨個兒坐在房中，在想：“或者呀帆真係講我０岩，呀石條件咁好，呀朝又真係想追佢，而且佢條件又比我好，真係容乜易比佢追到呀？”今天晚上佳好像開了慧根似的，竟想到“等個天比機會自己去追佢，倒不如自己製造機會好過啦！求天不如求自己！好，一於咁話！”想不到佳在感情方面比一帆更聰明和進取．
快臨近週末的前兩天，佳和帆如常一起上學．到了小息時，佳和長毛閒談起來，“長毛，今個星期六有咩搞呀？”“猜呀，都唔知做咩好，你有冇好提議呀？”“咁呀．．．．不如去長洲玩兩日啦！拿，星期五放０左學，各有各番屋企執野，之後再集合埋一齊去！”“依，都好喎，都好耐冇入過去玩，仲可以燒野食同打牌ｔｉｍ！”“仲可以踩單車∼！”“喂．．．不過等陣先．．．講黎講去都係得我地兩個人講，你有冇叫其他人架？唔係得我地兩個呀？”“又係喎．．．咁呀．．我地分頭去搵人去啦！”“好，一於咁話！”
於是，長毛和佳分開找人去他們的宿營．長毛應該想不到今次他給佳利用了．佳此行最重要的目的當然是石文靜了，當然如果石不去的話，佳便會借意取消行程，當然佳最不想得到此結果．
“呀石呀，你星期六有冇野做呀？”“猜呀，做咩呀？”佳心頭一喜，心想有機會了．“冇呀，我同長毛話想入去長洲玩兩日，你有冇興趣呀？”“嗯．．．都好喎，不過有邊個去先？唔係得我一個女仔呀麻？”“我仲未叫其他人，長毛都叫緊．”“咁呀．．．如果有女仔去，我就去啦！”“哦，咁好呀，我去問下呀！”佳即是走去問長毛“長毛，點呀？有冇人去呀？”“有呀，有呀豆，呀朝，呀樂，呀昌，仲有AA同耶魯囉．”“依，都唔小人喎”佳聽到有女孩子去，不禁笑了出來！“咁你呢，呀佳？”“我問緊呀石囉，佢話有女仔去，佢先去喎！”“依右０米有囉，快０的去叫佢啦！”“好！”佳即是飛奔回去和石說，石即時答應！
之後他們約好星期五下午５時在中環碼頭等．
佳絕對想星期五快一點來臨！因為這次是關乎他的終身幸福！
機會出現了，成功與否？暫時還不知道，但佳總算是有了一個機會，是他自己製造的機會！總比一帆的等待好！
說起一帆，佳好像忘了他．．．（待續）

下回預告：去了長洲之後，上天好像知道佳需要機會，決定給予一次重大的機會給他表白！成功？！失敗？！　而一帆知道佳的行動之後，竟然．．．．

心之話:
愛情就是這麼“盲目”？
佳和石還沒有在一起，佳已經好像開始“重色輕友”了！一起後，會否更厲害？
不過愛情就是這樣，難保丘一帆不會這樣．
走出了第一步的佳，先別談成功與否，總算是肯去做！而一帆？只有等的份兒．．．．