回帖︰開缸日誌！！

05年12月20日。新缸到埗。用左兩日先set好個缸（人地set，我睇啫）。
第一日set完後發覺個水pum好嘈。但太夜我又要出街。谷住第二日再黎set過。換左個德國牌子既，係好左少少，但仍然有聲。依家都仲同間鋪頭傾緊，過兩日再黎set過，聽下可唔可以好d。

此乃缸底之沙缸。分四槽，放左生物環、生物球、蛋白質分離器、沙樽、暖管………等等。

開缸第一步要做既就係種菌。除左落硝化細菌既藥水外，魚鋪教落，買幾隻基圍蝦，剝縠抽腸，浸係個沙缸入面，要黎「牛」菌。有助控制水質。
零六年一月二日，假期最後一日。終於「的」起心肝出去買生物石、同腦素燈。又唔見一截。

同日追加兩條青魔，希望可以加快魚缸既n-cycle既進行。

兩條魚係個缸到過左佢地既第一個星期。其中一條十分適應新環境。一到埗就已經係咁搶野食。豐年蝦又食，片糧又食。體色亦好豐富。第二條就差d。只肯食生口糧，唔肯食乾糧。且第三日開始狀態日漸變差，以豐年蝦都唔食。以為無得救。又估唔到呢兩日又好番D。又肯開口食番野。
希望呢兩條先頭部隊，大步檻過，唔會變成先頭烈士啦。