回帖︰下面是引用黑魔道士比比於2005-12-24 00:44發表的:
咦!! 原來係會考Bio 野黎架喎?!!!
勁~!!!
話時話, 有哂計劃買咩魚未~?

魚好多想買想養。但想養個d都係一d最好唔好養既魚……死未……

好似獅子魚，又粗生又型，但因為要食蝦仔，對水質影響大。而且有劇毒，比佢咭一咭就大鑊。
河豚魚勁得意攪笑，但受驚或死後會分泌毒素。處理後唔好，隨時反缸……

小丑又得意又靚，但超級難養，高手都束手無策。新手點敢試？

蕃茄粗生易養，又紅又靚，極之搶鏡。但惡到死，早期入缸，一養定必成惡霸。到時捉又捉唔到……眼白白睇住佢為禍魚缸……

藍倒吊（即「多利」呀）易生白點；神象（即係毛仔遇到個條巴面大佬呀）又易受驚難開口………

呀！點算好呀？知得愈多反而愈煩。