回帖︰第五回　羅凱樑的聖誕反擊（上）
上回講到王詩杰向羅凱樑獻計
話係今日的聖誕聯歡會中要尋求整野食的職責
時間過得真係快，又係時候同小息講拜拜
連∼∼∼∼∼∼∼∼∼∼∼∼∼∼∼∼∼！
各位同學午安∼！
曹老師午安
好。今日上堂之前處理左一ｄ班務先
我估大家都知道係咩事了
就係十二月聖誕節的聯歡日的食物同埋遊戲安排
有無人自願幫手整食物？
同埋攪遊戲？
全班同學靜左一陣
首先係王詩杰打頭陣話整壽司
徐遠光不甘示弱，同時都競投左去幫手買野
因為最重要的一個重點係，何嘉碧都係想幫手買野
羅凱樑當然唔會就此罷休，無理由放過呢個機會俾徐遠光。
羅凱樑同徐遠光大家互相怒眼瞪著對方
同學都嗅得出火藥的味道
曹操見狀就話
好，既然大家都咁想去幫手
我決定就俾大家傾一傾應該點做
全班３４位同學的將會分為兩組
分別係準備食物同埋負責遊戲
今次就球天荒由一個班長同一個非班長的同學一齊做今次的負責同學啦
人選已定，佢地就佢徐遠光同埋羅凱樑
麻煩兩位陣間小息的時候落一落教員室搵我啦
各位同學，你地可以自由選擇去其中一組度幫手
好，我地開始上堂了。打開課本第５７頁．．．
曹操又開始左一堂極之悶的數學堂．．．．．．．．
四十五分鐘之後
終於落堂了，羅凱樑同徐遠光一齊以他們最快的速度向一樓教員室奔去
徐遠光邊走邊對羅凱樑說
「唉！你個羅凱樑想同我鬥？
過左我呢關先啦，而家係鬥快落到去教員室」
徐遠光趁羅凱樑仍在執拾的時候已經準備好起步
羅凱樑立即反擊
「未到教員室都未知邊個贏得！！」
－－－－－－－－－－－－－－－－－－－－－－
第一場，跑千六米第一班的賽事已經準備就緒
兩位同學分別係一號檔的羅凱樑
同埋二檔的徐遠光
好，兩位同學已經開始入閘
首先入閘既係徐遠光，嘩，好鬼生猛呀
睇一睇先，而家徐遠光的獨贏賠率暴跌
睇來有ｄ指示作用喎
跟住入閘既係羅凱樑．．．．入埋
兩位同學已經準備就緒，綠旗舉起，準備∼！
一開閘，兩位同學由課室彈出來，先先帶出一個身位既係徐遠光
羅凱樑緊隨其後
跑左５０米準備過廁所灣的時候呀
羅凱樑稍微以半個身位領先入廁所灣
過左廁所灣，徐遠光剛剛食左一個好靚既入線位
以兩個身位離開三樓
跑左３００米，準備到達二樓，徐遠光愈放愈遠呀
已經過左羅凱樑超過五個身位了
唔通頭先徐遠光ｄ賠率暴跌，唔通真係有指示的作用
羅凱樑不甘示弱跑多兩錢肉緊，離開二樓的時候追番兩個身位
去到一樓了，羅凱樑突然之間放慢左腳步
究竟發生左乜事？
徐遠光仍然以最高的速度到達一樓
準備轉入魚缸灣入直路了
但係．．．．．．．．．．．．．．．．．．
一樓的圖書館突然傳來了一把強而有力又熟悉的聲音
徐遠光，你做乜事係一樓跑？！
徐遠光緊急拉下韁繩，但仍然收掣不住，把劉主任撞到跌在地上．．．
墜馬．．．．．．．！！
劉主任當然不會放過徐遠光
劉主任的罵聲響徹雲霄
羅凱樑以較低速轉入魚缸灣
原來他知道劉主任今日要開訓導會議，第二小息的時候就完成了
所以預先收慢腳步，以低速轉入魚缸灣入直路
以免中招
好喇，轉入直路，羅凱樑在劉主任的身後向徐遠光做了一個鬼臉之後
又再加速，最後一百米
羅凱樑首先衝過終點
時間係一分二十五秒七
預計派彩
一號獨贏係＄３６．４
－－－－－－－－－－－－－－－－－－－－－－－－
入到教員室
曹老師問，徐遠光去左邊
羅凱樑話佢正被劉主任召見，
稍後就到
曹老師長唉．．．∼！
徐遠光都唔知幾時生性
睇來我要見一見佢家長了
咁講番聖誕活動的安排．．．
羅凱樑聽到曹操咁講，心中有一點想笑的感覺
話剛講完，劉主任拖著徐遠光入來
劉主任見到曹老師正在同羅凱樑談話，就把惡形的臉孔收起
羅凱樑見到，就對曹操話
曹老師，一係我行開一陣，劉主任好似想有ｄ野同你講
曹老師就話好，劉主任的臉上更帶著一個笑容對羅凱樑笑了一笑
羅凱樑轉身離開了教員室，門也未完全關上
好似爆炸般的訓話，從教員室的門縫傳了出來
維持了兩分鐘
徐遠光當然有點想哭．．．．．
三分鐘之後，徐遠光出來，叫了羅凱樑和他一齊入教員室傾一傾聖誕的安排
徐遠光話：勝之不武
羅凱樑回敬話：不敢，只是你咎由自取而已．．
曹操分配好了兩入的工作，並會在下一課中宣佈
離開教員室之後，曹操嘆了一口氣∼∼∼唉！
想知曹操分配左乜工作俾佢地，請留意請留意第六幕的故事發展