回帖︰第九回　風雲變色（上）
“唉呀，今日真係黑仔．．．竟然返學既時候困　車立，攪到返學仲要遲到．．
死啦，唔知張Fax到左學校未。如果今個小息完之前都未fax到返來，咁就大獲了”羅凱樑對住黃倫致焦急地說著
“其實都唔駛點驚既，房屋署通常都會準時送呢類文件來，我之前試過一次，好快就到，放心啦。不如而家去買包餅食先啦”
“都好”
羅凱樑這個時候手拿一包芝士餅，一枝只剩１ ４的熱朱古力，正在吃著
黃倫致又問道
“你同何嘉碧點呀，呢排又無乜聲氣既”
“你估我想咩，果個死人徐遠光成日係度阻住哂，呢個對手上個學期已經攪到我雞毛鴨血，吃嚏∼，吃嚏∼．．．”
“你無事嗎？”
“無事，不過我心入面，硬係覺得有少少野唔妥，好可能今日有大事發生，今日最好小心應對．．．”
“嘟∼叮∼登∼登，４Ｃ班羅凱樑同學請立即到教員室，４Ｃ班羅凱樑同學請立即到教員室”
“阿樑，睇來今次俾你講中左，平時好少可校務處會叫你上去的，今次叫得咁急，唔通真係你張文件出左事”
阿樑趕緊吃完手上的食物
“唔係呀嗎，但願無問題．．．”
阿樑就急步地前住教員室了
當阿樑到達教員室門口的時候，意識到這是一件極之嚴重的事件已經發生了
曹操正在猛烈地對著王詩杰及徐遠光噴火，手上還拿著一張紙
好像已被撕碎後貼回的．．．
不一會，劉主任由教員室走出來
問羅凱樑，你還唔入教員室？曹老師正等你入去。
劉主任說完就轉身離開了一樓，走往操場去
羅凱樑當然繼續往教員室的方向望去，
曹老師看見了阿樑，便叫王詩杰及徐遠光兩個離去
徐遠光頭也不回，走回操場去
王詩杰則愁眉苦臉的走出來，
“今次可能我會被炒了”
“冷靜D，事情好可能仲有得轉灣的，你０係度等一等我，我好快返來”
羅凱樑轉身入了教員室
“曹老師，唔知道搵我有咩事呢？”
“無，我剛剛收到由你屋企所屬既屋村辦事處Fax來的文件，我會同你將今日既遲到記錄取消的，另外，我想問你一個問題．．”
“係．．”
“今日，其實都係剛剛發生既事來的。王詩杰剛剛係教員室門口因為呢一張紙而同徐遠光打起上來，而呢一張紙，正正就是你屋企所屬既屋村辦事處Fax來的。明顯地，呢件事我總係覺得會同你有關．．．”
羅凱樑的面色轉為驚訝，繼而沉重
“我發現上一個學期，你和徐遠光總是有一點爭執，我都好希望係考完上學期試之後，可以了解你地之間究竟發生左Ｄ咩事”
“哦．．．”
“好，咁我無咩事了，你可以返落去了”
羅凱樑轉身離開了教員室
立即和王詩杰離開了一樓，他們一起回到了操場，並和黃倫致一起，談著小息時發生的事
“頭先我經過校務處，聰哥叫我交左紙俾曹操。我打開限紙一睇，原來係羅凱樑今日果張證明文件。我一路行一路睇，行到去教員室門口既時候，徐遠光一手搶左我張紙，仲要開始撕碎佢，咁我咪一手打落去徐遠光度，搶番張紙。好彩都只係挪成八份，未到全碎既狀態．．．跟住就同徐遠光打起上來，劉主任就出聲了．．．”
“徐遠光又會知張紙係羅凱樑既”黃倫致問
“我都唔知點解佢會咁”
“可能係徐遠光無企０係教員室門口，佢周圍行，一見到有人先走番去教員室門口，咁就聽到你同阿聰哥凡對話，跟住先搶左你張紙去的，不過，曹操今日火氣異常猛烈，你個班長既位置好可能會不保，不過放心，我會同你睇一睇點樣保住我地而家既情況．．．”羅凱樑分析著
連∼∼∼∼∼∼∼∼∼∼∼∼∼∼∼∼！
第一個小息就這樣過去了
跟住一節的歐Sir堂，全班亦不停地傳著小息時的事件著，究竟曹操一陣間之後的決定會係點，請留意愛情交叉點第十回，風雲變色（中）