回帖︰第二十六回　遊戲日前的風暴
羅凱樑在下課的時候，第一時間就走離了４Ｃ班的班房，跑向了４Ａ班的班房
碰巧郭老師也剛剛由４Ａ班的班房走出來，
但是在郭老師離開了不久，４Ａ的班房傳出了一聲頗大的吵鬧聲
「羅展宏，我估唔到你會做出一Ｄ對我唔住既事！！！」
羅凱樑心中想著，
「呢把聲咁熟既？好似係黃潔貞把聲黎喎．．．咪住！佢咪係羅展宏暗戀住果個女仔？！」
「我無呀，只係果個我過左去莫嘉碧屋企俾番Ｄ簿佢，
除此之外，絕無其他野！」羅展宏回應著
羅凱樑在４Ａ班的門口看著，
這時候，４Ａ的鄧志宏從後猛地拍了羅凱樑一下
「羅凱樑，點解你唔入去既？郭老師一早走左了」
「鄧志華，原來係你。真係比你嚇死，我唔係唔想入去，只係入面而家風頭火勢
我想入都入唔到去．．．」
「哦？你話羅展宏？佢同黃潔貞兩個由上個星期開始已經係咁嘈．．．唉．．．
我地班仲要靠佢地出去個Treasure Hunt的．．．」
「唉．．．佢地好似靜左落來了，不如我地入去了」
「好！」
明顯的，４Ａ班房仍有一陣的火藥味，
不過沒有剛才的嚴重
羅凱樑擠出笑容，走到頹然滿面的羅展宏身旁
羅凱樑輕拍羅展宏
羅展宏起初都沒有太大的反應，
但當羅展宏看見在他面前的是羅凱樑就提起了精神
也回了一個笑容
羅凱樑輕聲答道，
「不如出出面先講啦」
羅展宏答應了
他們兩人一起了離開了班房，利用後梯走到了圖書館的一角
在學期剛始的時候
可以說是沒有太多的同學在圖書館內
所以這成了一個很好的談話地方
羅凱樑對羅展宏說
「估唔到唔只係我一個人中招，原來連你都中招．．．」
「無法啦，我都無做錯野．．．係佢亂諗．．．」
「唉．．．」
羅凱樑和羅展宏互相向對方詳述他們所暗戀的女孩和他們之間的事
他們在訴苦後，離開了圖書館，走到樓下的小食部買了少少東西吃
另一邊廂，王詩杰緊張的跑離班房
王詩杰想著，羅凱樑究竟到了那裡？
王詩杰一邊走著，想著，撞倒了劉主任
劉主任問到，
「咦？你咪係４Ｃ既王詩杰，做咩野諗野諗到入哂神，撞到人都唔知既？」
「對唔住呀，我無心架，只係搵緊羅凱樑，因為班入面有Ｄ野要佢處理，
所以諗緊佢去左邊」
「哦，頭先我見到佢去左４Ａ班，你試下去果邊搵搵佢」
「唔該你劉主任」
王詩杰趕快的走到４Ａ班，找到了他的鄰居黃浩彬
「黃浩彬！！！」王詩杰緊張地大叫道
「黃浩彬，你有無見過羅凱樑來過？」
「王詩杰？做咩咁緊張既？羅凱樑？佢剛剛來過，不過佢同羅展宏一齊行開左」
「無法啦，我地班剛剛發生左嚴重事件，要搵佢．．．唔該你先！」
「唔駛，慢慢來啦．．．」
王詩杰想都沒有想．．．就走到了圖書館，問著在圖書館內的梁致珩
「梁致珩，你有無見過羅凱樑？」
「羅凱樑？佢同羅展宏落左下面會場」
「唔該哂」
王詩杰頭也不回地走到了小食部，終於找到了羅凱樑
「羅凱樑！！！！！」
「王詩杰？你咁荒張既？唔係班入面出左事呀嗎．．．」
「正是！何嘉碧佢已經將你既野全部反哂落地，
佢同洪嘉媛兩個因為你而嘈，你俾何嘉碧張紙俾洪嘉媛截左仲讀左出來，
何嘉碧嬲到將你張檯排山倒海左．．．總之情況好嚴重，你快Ｄ返上去」
羅凱樑聽後，佢即刻跑返上班房，羅展宏跟著．．．
當羅凱樑、羅展宏和王詩杰三人返抵了４Ｃ的班房，
他們眼前的景象，是可怕的
羅凱樑的書桌連書包內的東西被弄至鋪滿一地
羅凱樑走到自己的座位，準備執拾的時候，
何嘉碧走到羅凱樑的身旁大喊了一句
「羅凱樑，你同我起身！」
羅凱樑無表情的站著
「何嘉碧．．．」
「由今日起，我唔再當你係我一個同學，你以後唔好再傳一Ｄ咁既紙比我！！」
說著就把那一張紙撕破
「你去洪嘉媛果度啦，你以後唔好再同我講野！你俾我既野，我還番俾你！！」
說著就把那一張已成碎片的紙丟向羅凱樑的身上，
還狠狠的，使出全身的力向羅凱樑重重的打了一把掌
清脆的一聲「拍！」在班房內回音著．．．
羅凱樑沒有反應，即使何嘉碧的一掌是重重的
何嘉碧轉身離去，走向自己的位中，哭著
何嘉碧這一巴掌，不只打在羅凱樑的臉上，
還狠狠的打進他的心內，羅凱樑遲緩了幾秒後
整個人跌坐了地上，默默地把早已散滿一地的東西逐一執起
把他們放回原處，在執拾的途中羅凱樑轉過頭對羅展宏說
「Leo，或者我聽日再來搵一搵你再傾啦」
羅展宏在羅凱樑的耳邊說
「得，我無問題」
然後就離開了４Ｃ的班房
羅凱樑繼續執拾
當他看見一個小馬萬字夾的時候
羅凱樑終於滴下了眼淚，但他仍然沒有作聲
把東西執拾好之後，就到了洗手間
同學們的反應是過於驚訝
寧靜的完成了一個小息
鐘聲過後，曹操回來上體育課
又是對遊戲日的練習
羅凱樑等同學為下星期的遊戲日不停的練習，
為的是遊戲日內能令自己班獲魏獎項
同學們又不禁擔心，究竟遊戲日的重頭戲Tresure Hunt會不會受這件事的影響
請留意垃圾桶的故事 – 愛情交叉點第二十七回　遊戲日（上）