回帖︰來看看一些臭美得令人作嘔的Bull Shit.
forward email from miranda
9句女生最憎的說話
1•你咪咁小器啦！
女人點解憎：
小器是女人擁有但又不想認擁有的特質，你明串佢\？等開拖吧！
男人說這句話時通常笑笑口，點解？
因為知女人唔岩聽？明知不應說但堅持說出來，就是撩交嗌？
男人說這話前通常已說完「嬲完未呀？」、「唔好嬲啦？」之類的話，
但游說不果；唔識氹人就賴人小器，屙屎唔出賴地硬！
即係話我唔應該嬲je？女人發嬲一定有佢\道理，男人駁嘴即係話我蠻不講理，作死！
建議：
要女人唔嬲，真的惟有等她自己嬲完，但不等於什麼都不做，
男人最好做點事來縮短過程，愈拖只會愈難氹
基本上連個嬲字都不能提，女人好憎呢 個字，唔嬲都變嬲！
告訴你，叫女人唔好嬲，佢\嬲得仲勁！
女人在小器、嬲爆爆，男人氹佢\盞晒氣！
要軟化女人從身體入手，抱抱或緊握她手吧！

作者相信未試過女朋友發緊嬲就膽粗粗去攬佢既後果.
咩叫做"女人發嬲一定有佢道理"? 天下間最唔講道理地發嬲既就係女人.
有時候錯就要認打就企定.
2•對唔住囉！(同類說話：我唔岩囉 、我衰囉、我錯囉)
女人點解憎：
「囉」什麼？晦氣到死！
最討厭是加個「咁」字在前頭，「咁對唔住囉？」，
一個「」咁字包含了「我唔覺得自己錯但買你怕囉」這十二個字的意思，明激我啦！
男人說時通常皺眉頭、眼神厭倦，擺\明在說「你又來了」，乜我好難頂咩？
建議：
用口去表示歉意是低層次的做法，倒不如用行動表示。
唔該俾D性格，唔覺得自己錯的話，老虎蟹都唔認錯！
唔該俾D風範，道欺最緊要誠意。
問心啦...我諗大家聽過講最多"囉"字既唔會係男性.
事情就如一個購物狂叫佢老媽唔好買咁多米返屋企一樣.
有時候...過得人要過得自己.
3•鍾意嗎？ 我送比你丫！
女人點解憎：
因為得個講字，男人總以為講左就等於買左，毋需真的買！
見我雙眼發晒光仲問，你盲架？
要我用把口去講我鍾意，即係要我認貪心！
建議：
講得出就要做得到！一定要趁熱買，一拖，女人又話你無誠意！
立即在她面前付款是最方便的做法，但女人最憎呢種方便，唔浪漫。
男人總係唔識送禮物，以為買左然後交過去就大功\告成！
其實送禮物最重要是點樣交到對方手上，即係心思、驚喜。
奉旨? 講得出呢句男人已經好明顯咁話你知佢將會做乜.
又要有禮物收又要避埋個"貪心"既罪名.
OK. 除非你真係唔貪心啦.

4•使唔使幫你？(同類說話：使唔使車你、使唔使幫你拎？ )
女人點解憎：
廢話！
問來幹麼？答得你我都做完！
建議：
女人最憎男人「齋TALK 」，唔聲唔聲做左先才是英雄
做多無壞，即使自己搞得掂，女人都鍾意男人獻殷勤的
我試過一聲不響主動去幫女朋友拿手袋
你猜後果是什麼?
先怒目而視, 然後一句:
"你有無禮貌架? 拎我個袋駛唔駛問一問我呀? 我以為你係d賊仔喎!"5•搵日同你去……
女人點解憎：
搵日，通常不會兌現
又信口開河了！
你估我係你D客，「搵日出黎飲茶」咩！
建議：
女人記性很好，此等不兌現的小事是她日後炒大鑊的導火線
女人無要求的話，男人切忌自動offer，無謂製造機會比人challenge
這個還算合情合理...不駁了.

6•得架啦！得架啦！(同類說話：掂架啦！掂架啦)
女人點解憎：
認屎認屁叻，結果錯漏百出無樣得！
你覺得佢\係怕你煩，想塞住你把口，所以吹到天咁大，但其實得鬼！
建議：
無希望就無期望，無期望就無失望，實話實說吧！
女人要講野，一定要比佢\講；而比佢\講，佢\先唔講。
喔...原來你知道我地怕你煩所以先咁講...?
咁點解你唔一早收口呢?
咁你咪無機會聽到呢句你咁憎聽既說話囉.
7•明啦明啦 (同類說話：係啦係啦、得啦得啦)
女人點解憎：
明個屁，想我收聲至真！
真係明？咁我岩岩講到邊度先？
建議：
她在跟你說一些她認為很重要的事，即使你覺得無聊，也請耐心聆聽，硬食吧！
在她喋喋不休時緊握她的手，信我，好快收口。
適當時候發問，讓她知道你在聽；無傷大雅的小事不妨附和，大事情則要糾正。
呢個還算合情合理. 都唔駁.

8•是但啦
女人點解憎：
無要求，無原則，無性格！
你又嫌我煩了！
你寧願任人擺\佈，我諗我真係好討你厭，嗚……
建議：
大可拋個波俾佢\，溫柔地說：「你想呢？」她反而覺得你尊重她
不在乎說什麼，而是在乎怎樣說；男人說話時語氣夠堅定就是說服力，女人自然收聲。
唔記得左...係邊度聽過女人最憎大男人自把自為呢...?
究竟講"是但啦"呢句野...係男人定女人多呢...?
簡單一例.
女:去邊度食呀?
男(溫柔地):你想呢?
女:是但啦..
男:咁呀...咁pizza啦
女:下....芝士好肥喎....
男:呃...咁呀...咁你想食咩呀
女:是但啦我無所謂
男:=_="....咁...咁日本野啦
女:但係前日先食完日本野...
男:咁...咁究竟你想食咩呀...?

女:是但啦.

9•你開唔開心？
女人點解憎：
焗住要答開心？迫人講大話！
開唔開心乜你睇唔出咩？
建議：
抱抱算吧，別生不必要的事端，比機會佢\問番轉頭：「咁你愛唔愛我？」
唔提反而唔諗，別「刺激」她去思考，你真係好渣斗！
一個計劃周詳又完美既約會後
送個女仔返上屋企前既一句"你開唔開心".....
OK....算數.
唔駛旨意有下一次.

聽著, 女孩們.
你地唔係地球上既優秀人種
我地亦唔係未解放前既黑奴

對待我們...請公平一點.