回帖︰wk 30 分析及賽後檢討
1. 車路士 (Che) ＠西布朗
西布朗作客13場只贏得一場,入得5球波而失23球,不過主場則14場中贏得6場.更攻入19球,可見其主場的拚勁十足.惟上週主場2球不敵米堡,今週對榜首車仔,本不被看好,但係林仔上陣成疑下,又比番dd希望佢.不過,如果見對方冇左林仔而同車仔鬥攻既話,可能比給車仔更多空位反攻而失球,咁杜巴/洛賓d快馬就有機喇.有運的話,車仔可贏2-3球.杜奧巴/洛賓/祖高爾值得考慮
西布朗主場真的拚勁十足,若不是後防/門將送禮,真的可能0:0守和車仔.而車仔既進攻始終少了j.cole/林仔而顯得一籌莫展,最終由推介既杜巴同jc入波都有點幸運.洛賓紅牌無話好說,只能夠說他仍不很成熟,有很多事仍需要學習

2. 曼聯 (ManU) ＠韋根
曼聯上週剛淨勝韋根4球,今仗作客,相信亦無障礙,因為其作客特別醒神,14場竟攻入27球,差不多一場入2球.難怪20隊中作客最多入球既球隊.不過,亦失19球,至於韋根,14場主場得失球均為17,即每場平均都有入波之餘同時亦有失波.所以今週睇好曼聯前鋒及中場,而後防就避得就避.朗尼/雲佬/c朗都值得考慮.而韋根可考慮羅拔斯
廢sir如果仲係咁剛愎自用,曼聯真係會變做第2隊紐卡素.聯賽雲佬拍朗尼既組合一路都唔錯架,又要用番杯賽既人,比韋根打到有氣冇得抖.如果唔係人地送禮,點有得贏丫 ?另外,作客真係成日失波,唔好掂佢既後防.
3. 利物浦 (Liv) 查爾頓
查爾頓作客13場入17球而失21球,最近3場聯賽作客分別輸熱刺1:3,輸曼城2:3,和紐卡素0:0.面對攻力強勁既熱刺同曼城都失3球波.而力保不失既只係對住隊冇牙老虎紐卡素.至於利記,主場14場入20球而失5球,係各隊最少失球既主場球隊.不過其縱然贏波都好少會大勝.有d好有趣既主場數據(最近6場):勝西布朗1:0,勝熱刺1:0,和伯明翰1:1,勝阿仙奴1:0,勝曼聯1:0,勝曼城1:0.睇完真係唔係幾敢買太多利記既人.無論對同級既定低級既對手都係入得1球.這可能對手作客打守勢波有關.咁即係利記d攻擊唔係咁有效啦.當然,同佢d賽程太密一定有關,但係遲dwk31又一週2場,班球員鐵造架咩 !今場熱買kewell/謝仔/高治(平入等下週唔放得,如果唔係真係想放),冷門都唔知可以買邊件.又係一場雞肋
利記主場真係掂!又一場cs.不過,d鋒力真係唔得,唔係贏人1:0就係同人打和0:0,佢d後防真係可以長keep,前鋒就.....唔知幾時先會有回報lor.好多時當你追佢一段時間放左,佢先會黎料,點買得過 ?黎緊利記仲要兼顧聯賽/歐聯(應該可以反先)/足總杯,除左謝仔/kewell(平入)值得keep之外,都係搵過另一主好人家為妙.查爾頓有件咁好既門神值得佢摸和架.另外,後防又真係打得好穩定,不過,太貴啦,留番比d有錢人用喇.
4. 熱刺 (Tot) 布力般
熱刺主場14場入成22球,平均每場有成1.5球.而對手布力般作客14場失18球,平均每場都有失波,今週唔知比熱刺攻入幾多球呢 ?不過要估熱刺出咩人都煩,按上場用人,迪科爾得分應該會幾穩陣,不過就太貴.查域克既得分都幾穩定,可以考慮.至於後防,熱刺主場平均每場失1球而布力般又接近平均作客每場入1球,可能這場2隊都冇 cs.除非後防d雜分多,否則又係拎個1-2分,死得.另外,比拿美都可以考慮一下,布力般作客入個球可能要靠佢.
正如賽前預料,熱刺攻入成3球,但係真係估唔到bench迪迪而用rk,仲比佢入2粒.不過,真係唔洗恨lor,有心臟病既真係隨時比佢激死.同樣,布力般繼續作客入波,仲要係呢度提供既比拿美添.2隊就咁樣冇左cs.佢地既後防應該唔止1-2分掛,我冇買佢地(亦建議大家唔好買)唔知.呢場真係好正路,冇咩好講
5. 保頓 (Bol) ＠紐卡素
保頓作客13場入16球失18球,平均每場均可轟入對手1.2球,不過,失波更達1.5球.紐卡素13場主場入14球而失9球.平均每場主場都有1球進帳,不過入球數字都係偏低.如此數據,今場好可能出現1:0戰果.睇下邊個入球而已.雜分較多既球員應該著數d,例如有平入既solano/安利/路蘭等,不過可能都係10多分貨仔.後防買大細,情願唔買.
喪拿屎唔知睇完呢場波會有咩感覺?人地接手之後贏到開巷,係佢手中就一pat屎!!!保頓又比人轟入3球,作客真係唔好諗佢d後防.有cs都係運黎架 !!!唔知有幾多個會買到so so.
6. 阿仙奴 (Ars) ＠富咸
參考呢度 :http://www.hkbff.com/bbs/read.php?tid=15363&page=e&fpage=1#a
7. 韋斯咸 (WHU) 愛華頓
韋斯咸13場主場攻入22球,失6球.即平均每場入1.7球,都算幾勁.ashton加入之後進攻能力更強.今週對住後防多傷兵既愛華頓,應該有計.33週仲有2場踢添(入定7個幾既ashton等收成啦).愛華頓14場作客失19球,入8球,可見其作客之不濟.搏爆分既話,韋斯咸既後防值得考慮,尤其是打中場既reo-coker.前鋒除左ashton之外,仲可以考慮班拿約.
最後2:2呢個戰果有d意外.韋斯咸既主場威力還在,攻入2球比平均1.7球還要高.ashton7個幾有成2倍既回報都算係咁.可以考慮長keep既前鋒.愛記之前14場只攻入8球,而家一場入人2球未知係爆冷定回勇,睇多1,2場先得.
8. 曼城 (ManC) 新特蘭
今週既重磅戲碼相信會係呢場.曼城14次主場攻入22球,失12球.場場主場有波入咁滯.最近3次聯賽主場,勝曼聯3:1,勝紐卡素3:0,勝查爾頓3:2.如此數據,點可以唔買最近主場特醒既曼城?至於對手新特蘭,唔洗點講都知佢地係善長人翁.作客13場被攻入22球.今次唔知又要輸3球定4球.一於買重曼城啦!不過,要留意preview,可以出邊個前鋒同中場.買中就變豬頭...
眾人既心頭好sam仔真係攻入2球,拎成28分,5個幾黎計有成5倍既回報.中場冼冼有球助攻都有10幾分,都唔錯啦.下次sun仔既對手真係要睇重些少.

9. 米杜士堡 (Mid) 伯明翰
米堡d聯賽主場數據真係嚇死人(最近5場),輸布力般0:2,和曼城0:0,輸韋根2:3,輸維拉0:4,贏車仔3:0.對住d攻力稍強既球隊就有波入,對住弱隊就死晒.今場對住作客13場被人轟入21球既伯明翰,唔知會唔會又係行番條對住弱隊輸波既路?係既話有機輸2-3球架 !米堡14場主場失成24球,20隊之中,主場成績僅僅好過包尾既新特蘭而已(主場失27球).再加上唐寧康復成點唔知,買佢既球員真係又係買大細咁.最衰用完上場爆分12個幾既pennant之後放左,有d後悔添.伯記既前鋒真係可以搏下冷架.仲有冇keep7個幾既希斯基 ?sutton會唔會今週先黎料 ?
唔知點講,哈賓唔知點解唔出,唐寧就話預左姐.如果唐唐出得,相信伯記唔止輸1球咁少,下場對西布朗有得諗.
10. 樸茨茅夫 (Por) ＠維拉
維拉13場主場入得14球,而茅夫14場作客失成31球,成為英超作客失波最多既球隊.一隊攻擊唔太強,一隊守得極之弱,水鬥水之局,唔知係茅夫任人魚肉定係維拉攻極都攻唔入呢?賽果可能幾有趣 !呢場一係爆分,一係食蕉,搏唔搏,自己諗.我就最多都係搏維拉既後防穩陣d,特別係個d有得射門,有得助攻個d
正如預料,維拉攻極都係一粒,而後防真係有cs,而樸茨茅夫作客只失一球未能反映實況,下場對強隊相信會比人數過.