回帖︰下面是引用alvis_warrior於2006-03-02 07:09發表的:
Riera一定正?

唔一定！不過九成九！
riera佢一黎到已經係正選，即時坐正咁滯。打左幾場，表現搶眼，仲要有波入！五個幾既價值，無錢就真係首選！點都好過要對曼聯又唔知有冇正既大偉湯臣。即使有錢，都唔一定要買貴野。無左巴頓既曼城中場，攻擊重心係哂佢同冼佳亞兩人身上，梅參巴呢幾場若然我無睇錯，打到好似防中咁，已經唔係左中場。所以得分力亦偏低。雷拿傷愈復出，有隱憂，無謂搏者，又無咩特別之處。施比斯基上場係傷出既。都係唔值得咁搏法。有得揀，當然係揀個出場機會最大架啦。

前鋒一定搏森馬拉斯，十分進取既一個球員。正選位置同出場機會係一眾曼城球員中最高個個！身價又平到你笑。點解唔買？上場對利記無表現，係因為對手太強！今場我信佢唔會失拖！

唯一要諗既係後防。占士可以搏。因為基本上，你唔係keep住d平籠既話，今周有邊個又平又好勢頭得過占士？德斯汀個d都係六個零既，有閒錢都可以買黎打一周。其實如果知道老孫出得既話，買老孫最好。