回帖︰舉一個最簡單既例子。而我又幾贊成Ｄ後生仔買既基金。就係個Ｄ　個個月定額拎一筆出黎，買同一樣股票或一藍子股票既基金。例如個個月供一千蚊，買滙豐。

原因係，你岩岩開始搵錢，根本就無錢，根本就無咩野可以比你投資。滙豐一手都講緊三萬幾蚊啦。你一個月儲一千，幾時先得黎儲到三萬哎。到你買得起一手時，滙豐都唔知咩價了。
呢類供款，其實似儲蓄多過投資。佢比你用好小既金額，慢慢儲起一筆為數都叫不少既金錢。幾年後連本帶利，好彩有丁丁咁多既升副既話，咪當賺左囉。加上佢係個個月買，拉上補下，拉勻左個買入價。所以萬一股價有咩變動，你又唔會話蝕入肉（所以你都唔好望佢有咩賺）。叫做幫你儲下錢咁解，或者稍稍對消通漲咁解者。