回帖︰jimmy:基本上啲sale所講既好處100樣都啱,但只要扣番幾個%管理費一年,
所有好處都運行唔到(2013-03-27 14:45)
你咁講又唔岩了。收管理費係天公地道的。你要人地幫你管理個基金，唔通免費？你做經紀賣樓你都要收人佣啦。係咪先？

收管理費唔係一個問題。問題係你要計算，扣除管理費後，個回報仲係咪你接受範圍之內。如果係既，咁咪得囉。如果唔係既，低於你所期望既回報既，咁咪唔好買囉。

其實好簡單架。

當然，你可以話Ｄ經紀只會吹噓、誇大個回報，提都唔提收費，咁係個經紀有問題。等如我都見過好多地產經紀，為左做成單生意，誇大失實咁提供片面資料比買家或賣家，但我唔會因為有部分害群之馬，而一竹杆打哂一船人，將所有地產經經都講成為不擇手段既衰人。即使當中真係有好多都係咁。
同樣地，有良心有專業操守既基金經理，我都識既。

其實，講到最尾，都係自己有冇做功課。深入了解自己所買既係一個咩基金。所有回報，收費，法例上係規定要列明你。經紀無同你講，唔代表你會唔知。你可以睇條文，遇有不明白既地方可以問番佢！你有做功課，買錯野既機會就會相對地低。咩都交哂比個經紀，佢講咩你信咩，咁就係你自己有問題了。