回帖︰新特蘭暫時睇應該最安全吧。三場入面兩場主場，對手都只不過係史督城同修咸頓。主場對修咸頓個場仲要係六分波。咁都拎唔到三分咁佢降班好了！

修咸頓作客新特蘭個場可能會失分，不過主場對史督城個場應該有分落袋。兩場和哂都應該護到級。尾場WIN 埋就更加無有怕。當你輸一場和一場，都有機會靠得失球保住個位。

諾域治下場主場對西布朗，戰意不容懷疑，但西布朗好似無咩HEA 踢跡象（呢方面其他強隊應該汗顏！）呢場唔易踢，但始終主場看高1線。而且，世事往往出人意表，分分鐘佢作客曼城個場先黎全取三分都未定。

維拉作客車仔都幾難有分落袋。最尾個場又係作客，仲要係競爭對手韋根。分分鐘真係兩場零分。不過，只要是旦一場拎到一分，佢都應該無事。又或者，真係兩場零分，但有另一隊仲衰過佢，佢都可以逃出生天。

我覺得呢四隊其實相對黎講算穩陣。