回帖︰韋根睇牌面雖然唔算話好難踢，係作客阿仙奴個場最大機會零分！其他周中主場對史督城，尾場對維拉，都有機會全取三分。但未踢就係未踢，未落袋既分都只係得個講字，數字上佢的確係最低分個隊。一個唔該周中WIN 唔到就真係係咁先。就算周中全取三分，38分都仲係排最尾咁滯。得失球又唔見得好。尾場雖是主場，但對手一樣係要搏老命既維拉，你話和左，一人一分。維拉就上岸佢就BYEBYE，心理壓力都幾大。但話分兩頭，一隊唔羸就降班，一隊和左都可以護級，分分鐘係唔羸就死得個隊有著數。求和個隊反而因為咁，進退失據，求和反輸！但六隊中，韋根真係最危個隊。

至於紐卡素，淪落到今時今日要護級，仲要係護級各隊中形勢較差個隊，真係自招！下場對昆士伯，非勝不可！萬一黎個和波，一分落袋，尾場對阿仙奴你可以點打？生死存亡在於下周一戰…………咁既心理壓力下，未必可以打高兩班，反而可能拖累隊波。有D 球隊面對生死存亡會打高幾班。但紐卡素似乎唔係咁既球隊………

我宜家開始明白點解火兄會咁悲觀了………