回帖︰麻凡:
咦? 以為你單野已經完結左添.......
其實你選擇留低前唔係應該已
經傾好哂條件咩? 拖到而家??
你當我小人之心啦, 其實大部份情況下, 你加唔加人工其實都係你上司一句說話的事情, 加得太多先關HR事啫.....
.......
freezefox:
HR？又關佢事？
ceo 已經 ok 左，但落實的係hr。hr head 話要見我，見我時第一句就話唔知點解會有呢個年中加人工的discussion，但公司規矩係永遠唔會o係年中調整人工（其實唔係，年中加人工的大有人在），又話呢句係ceo 公司成立開始已經交帶落比 hr policy 的指令，hr 只可以用special bonus黎出，年底憑表現決定下年仲有冇呢d錢∼
咁我諗，每月人工去到我心目中的數就ok（其實我地有13個月糧，呢次加幅13個月糧係不包括的），但年底review的方法要清楚。咁我問佢，佢就帶我遊花園，我見佢咁巴閉，咁當然我亦講返我對 hr 的感覺，老實說我亦相當唔客氣。講完我的不滿了，佢就出軟功叫我明白公司的難處等等。好了，當我人工o個邊 ok 左special bonus了事，review部分我同我上司傾，佢竟然o係月尾出糧時出少左比我，銀行過數時少左幾百蚊，事後先比封信我話公司決定出多 x 咁多錢比你，簽名的係個 hr head。
其實我一直要我上司白紙黑字交代清楚，因為o個之見面都冇提到銀碼，我又咩揸拿都冇，點知 hr 事後 bypass 左我上司以至ceo，出左糧先直接比封通知信我，整到我好唔開心。我上司話會同我傾，又話approve左幾多錢人工就應該出幾多，話 hr 咁做好有問題。好了，我上司話件事settle左了，我明hr會唔多like我，但結果佢開始陰d陰d做野，首先佢最近開始manage我的上司﹐指我年底review要「公平d」，年底 review 準則o個部分有玩好多politics，拖延件事令我一直未 confirm 到我的 special bonus o個部分的 review 準則。仲有，我六月放 annual 去honeymoon，又比說話我聽，話我唔按章申請，但事實係我一早按章o係3月已經知會左我老闆，批假唔駛hr批准的。仲有行出行入黑面等等...唉，駛唔駛咁呀？