回帖︰大空翼:真正的高手終於要出現...
老狐講中我而家的心情,因為我對J小姐的不了解,導致我好迷失。基本上我佢都係一知半解,因為平時真係太少接觸,而且FB對話內容又太表面。
.......(2013-05-15 13:34)
我又要講一句，我係一個好舊式既人………

所以，SORRY，係我既立場，我從來唔認為係FB 、WECHAR 呢類地方「傾計」係一種實在既溝通………尤其係雙方都未建立到基本既友誼關係既時候。
你話我有個識左幾十年既老朋友，飛左去外國，靠FB 呢類社交網絡黎聯繫，咁係另一件事。
點解我年年都堅持飛去外國見我既客戶？係因為我堅信，你同個客一年黎每日用過百封E-MAIL 溝通，都唔夠你飛去見佢一面，開完會之後去食餐飯甚至只係去飲杯酒，黎得更加實在！更加真實！咁樣，你先可以係客人心入面留下印象。

FB ，可以維持你地既連繫，卻一定唔可以加深你地既關係！之前有個廣告有句說話好真的：「朋友，係要見架！」

追女仔有時又要隨緣既。機會可以爭取，可以製造，但唔可以強求。爭取過，不得矣，只可靜候。靜候下一次既機會。但唔係叫你坐係到等。你咪繼續嘗試睇下有冇機會係大圍既活動中見到對方。係有限既接觸空間中找尋雙方共有既話題，再慢慢由朋友既社交活動變為兩個人既約會囉。係相交既過程中，你自然會慢慢了解呢個人，更重要既係，比佢慢慢了解你呢個人先得架。
有時，質比量更重要，一次深入既相交，勝過十次飲飲食食行街睇戲。YOU KNOW WHAT I MEAN ?

呀！加多句。我一直相信，人與人之間既相處，有一個字好重要的：「誠」！互勉之！