回帖︰係PACIFIC 住左兩晚，跟手我地就換左另一間RESORT了。就係距離巿中心要成估鐘車程既NEXUS RESORT！入左去住，基本上你唔會出番巿區玩的了。咁點解都要換呢間酒店呢？原因係：

一，有特價。住三晚先二千幾蚊，仲要包早餐兼送一晚自助晚餐。再送酒店往返機場或巿中心接送（成兩舊水一程架）。真係好抵！話哂都係五星級既RESORT，雖然係舊左少少，但咁既價錢，無SAY 啦。

二，入到黎住，方便我地跟住去參加既幾個LOCAL TOUR。如果住係巿中心個D 酒店。去一次激流，來回四五個鐘，真係好浪費時間。係呢到住，每程都係個零鐘，舒服好多。

酒店既私人沙灘超級靚！足足成七公里咁長。你由邊行去另一邊都唔知要花幾多時間。酒店環境亦十分清靜！我住個幾日，係正復活節公眾假期，但周圍都唔覺有咩人。真係可以比到RESORT 既感覺比你。

由於大部相相片都係同屋企人影，唔放上黎了。求其放左賭神相比大家睇睇算了吧。