回帖︰上到島後，大家換好衫，帶齊裝備，我地就上番船出去浮潛了。由於沙灘附近不太適合浮潛（領隊話有魔鬼魚喎），所以要出到海中心先可以落水。

領隊就咁放條繩落海，船上幾十人就逐個逐個落水了。

一日有兩潛。今次係第一潛。第一潛既地方，我個人覺得太深了。珊瑚係多呀，但離我地足足有成四五米（領隊話三米喎，我點睇都唔多似囉）。根本好難睇到。

影左成朝，得兩張相見得人。

見得最多既唔係魚（水流急，D 魚都LEE埋哂唔出黎），係一群群既水母。成個海都係水母！嚇死人！

最慘係，個日水流勁急，轉個頭己經將D 人推到去無雷公咁遠。嚇到領隊拿拿臨取消活動，吹雞叫哂大家上番船。第一潛，我覺得認真掃興囉。話時話，領隊吹雞叫人上番船，但大家根本游唔番船到，因為水流太急了。游兩野又被水流推番轉頭。結果要派出艇仔周圍去接番D 人番去，攪左大半個鐘。所以，成個浮潛活動，真係浮潛既時間都唔知有冇半個鐘………