回帖︰第二次浮潛，轉左去第二個地方。

呢到好得多了！一，水流無咁急！二，周圍無水母，三，最重要，離海床三米唔夠，D 珊瑚夠近，咁先睇得清楚架嘛。

周圍都係一望無際既珊瑚群！好狀觀呀！

疑？重比我發現左個小丑竇添喎！！

有條毛仔係到呀！！

嘩！D 角珊瑚多到哎……自已有玩開珊瑚，但咁近距離見到一大堆既珊瑚，個陣感覺真係唔識形容。

呢到D 魚唔似之前個D，比人餵慣。唔會游埋你到的。你只可以灑D 面包出去，引佢地出黎搶食咋。但呢D 真係珊瑚魚黎嘛。唔係之前個D 雜魚囉。見得最多就係青魔同埋四間。

呢張相我自已就好鐘意：

見到有條龍魚，追左佢一段！

第二潛好玩過第一潛多多數！咁先似番浮潛架嘛！！好在有堅持再去多次者。如果唔係真係蝕哂比佢！