回帖︰返到巿區，終於可以去食海鮮啦！！！！係「亞洲城」入面，有三間好出名既海鮮大排擋（香港人最熟個間叫雙天！）大部分既遊客都會去個到食海鮮！近年係隔離個巿場新興左一間細間D 既（不過宜家都愈做愈大了），但同時又平D 既，叫「大茄來」！我地今晚就係幫襯佢！

好可惜………由於我地成八點先黎到（之前去左做SPA），去到既時候，所有老虎蝦都比人買哂了！！！天呀！！！！我一心黎食老虎蝦架！！！

後尾個職員發現原來個水槽到仲有一隻。問我要唔要。我話，一隻都殺！！！然後加多兩隻急凍的！陰公，急凍既都係得番兩隻…………
一隻新鮮既，做左奶油焗！兩隻急凍既，做干奶油焗！

另外加隻大肉蟹！！黃金焗！

再加條「海底雞」！魚黎的！同埋其他貝類！咁就成為一餐好豐富既海鮮大餐了！

埋單RM 240！除左用個抵字黎形容，我都唔知仲可以用咩黎形容了。

下個星期，我地班同事約左去流浮山食海鮮！無蝦無蟹都開我地一個人三舊水！！！死唔死！