回帖︰三郎:
返工個陣坐巴士撞車,差D成個人飛左出去
三郎:
睇住撞
岩岩覆完WTPAPPS,十分鐘i之後就撞
三郎:
睇左~醫生叫留意個心口情況
其他都係拉親
三郎:
原來我下個月就係岩岩註冊左十年
《撞車》
今朝返工時個天灰濛濛一片，正好反映出我嘅心情。
無耐，巴士埋站，我慣常走上上層，坐喺第一排車頭座位後，拎出手機，回覆尋晚 WhatsApp 未覆嘅話題，之後聽住 Joey，向前望望沿途風景。
估唔到十分鐘後，我經歷咗人生第一大驚險，眼見前面架貨車突然剎制，巴士未能及時反應，已經向貨車車尾直撞，觸碰嗰一刻，我幾乎成個人向前飛出去，萬幸我福至心靈，伸手拉住旁邊支欄杆，先至將我準備拋出去嘅身體拉返低，但嗰一下嘅衝力，已經足以令我全身肌肉隱隱作痛。
一片混亂後，我只係聽見巴士司機不斷用熟練嘅粗口問候貨車司機，而我實在覺得太痛，隨即離開現場去見醫生。
醫生幫我做咗詳細檢查，結論出除咗有肌肉拉傷外，其他地方問題不大，叫我留意下心口狀況，如果有唔妥當嘅感覺要即刻提出。
我下意識地講咗句：「醫生，我個心好唔舒服呀！」
醫生緊張追問詳情，我娓娓講出我嘅感受……
「仲有一個月，我就係好友論壇註冊咗十年嘅會員，人生有幾多個十年丫，偏偏喺呢個時候，我決定辭去總版主同相關三個區嘅版主職責，你話我個心有幾唔舒服呢。」
醫生聽後，表情無咩大變化，淡淡地講咗句：「幪三，我都係好友嚟架，你都識講人生有幾多個十年，唔捨得咪收埋番封辭職信囉，大家都係好友，最多咪笑你兩句。」

@三郎