回帖︰麻凡:
呢排多野做癲, 唔好話請假, 我有D擔心星期五佢地唔放我準時收工添呀~~~~
麻凡:
加油呀, 你12點幾訓, 我昨晚12點幾先係公司走, 我走果陣公司仲有人未走...........總會有人情況比你差, 係唔如意的時候我係咁樣安慰自己的~~~
麻凡:
搵食艱難~~
仲好鬼肚餓添~~~
麻凡:
訓太多會有反效果, 會越訓越攰的~~~
30歲前, 4-6個鐘就夠了~~~~~
麻凡:
7個鐘真的太奢侈了~~~~
《給十年後的我》
「砰！」「砰！」「砰！」耳邊響起嘈雜嘅地盤打樁機聲音。
門鎖忽然轉動，一個年約二十歲，膚色黝黑，打扮有少少似地盤工人嘅青年行入嚟，有禮貌咁對我笑一笑，然後拉開張椅坐喺我面前。
「我哋係識嘅？」腦海中極力搜尋記憶嘅我先開口問。
「哈哈！其實我想搵人聽我講吓嘢，因為一直以來嘅聽眾譚婆婆佢走咗，所以先冒昧打搞你一下。係呢！你仲記唔記得譚婆婆呀！？」
「好似……有少少印象。」頭昏腦脹嘅我竟然無一分抗拒，可能對呢個地盤仔有種莫名其妙嘅親切感，加上我本身亦鍾意同人吹水。
「細路，年紀輕輕有咩煩惱呀？」我開始試探式引佢開口。
「唉！做人本身就已經夠麻煩架啦。不過，唔知點解喺我身上就問題天天都多。」地盤仔扮到老成持重。「由細個開始，我已經要擔起頭家，媽媽體弱多病，妹妹又細個需要人照顧，所以我日頭要做嘢，夜晚就趕住返屋企煮飯洗衫，同妹妹溫書做功課，時間、精神就咁就無晒喇！」
「覺得好辛苦？」逐漸由迷霧中開始意識到眼前事件嘅我好關切咁望住地盤仔。
「睇相佬話我好有女人緣，可能整定呢世人都要為女人捱啦。」地盤仔擠出滿臉笑容。
「咁都唔係壞事呀，最少你知道自己係為咗乜嘢目的而努力。」我明知佢係強顏歡笑，但都配合佢令話題盡量變得輕鬆。
「我只係怕做地盤要日曬雨淋，身邊又得班老粗朋友，連女仔都識唔到，不過為咗搵食，為咗照顧屋企，惟有咬緊牙關撐到底。」
「最緊要係相信自己，只要你肯努力，捱過呢段艱難時期，第時可能會坐冷氣房，做一份比而家舒服嘅工呢。」望住情緒突然低落嘅地盤仔，我希望畀啲正能量同佢打打氣。
「啊！咁你而家係過住點樣嘅生活呀？」
「我？同你一樣，為咗屋企果一班大大細細嘅女人捱緊囉。」
「辛苦嗎？」地盤仔碌大對眼問。

＊    ＊　＊

「啪！啪！啪！」
我感覺到面上突然畀人打咗幾下，霎時間，發現自己原來瞓喺屋企張梳化上面，畀三歲大嘅囡囡隻手仔拍打緊塊面。
我起身抱起囡囡，行近窗邊，望住對面打緊樁嘅地盤自言自語：「辛苦嗎？當然辛苦！做人本身就已經夠麻煩架啦……」我嘴角微微向上翹起。

@麻凡