回帖︰day4,
今日原本打算上清境同合歡山睇日出，但見自己帶唔夠衫，
又麻麻地想咁早起身搭車，房又未book，所以朝早個時決定唔上，台中玩多日。
打比老細同佢講extend多日住宿。
佢叫我走個時放低錢係房入面個袋就ok
之後就search 仲有咩地方好去，行45分鐘去西屯區，個到有d似香港既大坑。
食個早餐。之後行去美術館。
超舒服呢到，人唔多，地方優靜，成個氛圍好正。#hoho# #love#

之後搵緊巴士去東大。問個男人，大家一路行一路傾，好熱心，
問我香港係咪好亂。就係到同佢講香港發生咩事。
（通常同佢地講野一聽就知我係香港人 另外佢地都成日以為hk好亂 ）

之後個條線原來停左，問個台妹，佢叩我坐BRT,之後先發現BRT係咁方便。
去到東大都係周圍行下，秋風伴我行，又係好舒服。

“台灣聲援香港學生“+校園見到好多黃絲帶;-)
好好味既飽飽捲。
再坐BRT去逢甲夜市。
有個姨姨教我係咩站落車同點去。行20分鐘就到夜市，好大好多人。
食左懶人蝦10隻/50台幣
本身都唔想食章魚小丸子，但見佢9粒35台幣
逢甲好似平過一中，又飲冬瓜奶。
本身想試朴大哥炸雞，但好多人等位，算
坐公車返去，但中途急尿落左車。
又開Google map行返去，行左成40分鐘。
中途經過一中，又買盒雞爪凍返酒店食。