回帖︰freezefox:
無錯。佢有好多唔同既玩法。既可以當YAHOO 咁玩，又可以當AVEEGO 咁BIT 人。買人可以計SALARIES ，又可以用CONTACT，真係非常多樣野。潛力無限。可以引伸好多不同類型既遊戲。

不過，大前題開左個最基本既先。招聚唔到玩家既話，咩都假。

freezefox:
又股災又打風，D 注意力都去哂另一邊了。

宜家係時候返黎攪埋D 手尾，跟手開GROUP 招人了。

freezefox:
明明係屋企見個天都幾清，一落樓下落狗屎咁落…………
freezefox:
唔係咁。

係正係我煩惱繼續唔繼續行好個陣，突然見到我太太開住架車駛過。佢頭先岩岩送我個仔去上堂。我係後面係咁跑追住佢，結果追到落停車場先截到佢………

P.S. 佢無帶電話，所以CALL 唔到佢。

《FANTRAX 特約：Running Fox 的羅生門》

狐老闆的讀白：
有人問我最近忙緊咩，我會答佢…..「一個全新足球經理人遊戲….. FANTRAX！即將誕生！」
無錯，呢排日以繼夜，趕住 8 月前要推出既新 Project，不但令我見屋企人時間少左，甚至打風落雨、天災股災都要視若無睹。
終於，個 project 去到最後檢測階段，而宣傳部亦提議我拍一個宣傳片，得出兩個議案….

第一個，好似 KC 咁企定定講出「FANTRAX…. 即將誕生，想知點玩？CALL 我。」

第二個，變身橡膠穎邊跑邊嗌「FANTRAX…. 即將誕生，想知點玩？CALL 我呀！」

宣傳部問我想用邊個，咁我當然揀第二個啦，點解？因為我靚仔過橡膠穎，呢個造型夠殺食啦….嘿嘿嘿！

為左以最 FIT 狀態拍攝，我開始每日練跑，諗起我全程投入既樣，只得一個字….「帥！」

今日，黎到正式拍攝既大日子，出門口時，明明喺屋企見個天都幾清，一落樓下落狗屎咁落，正猶豫繼唔繼續行個陣，突然見我太太開住架車駛過，咁我就展開 running fox 模式追車啦，但係佢好似見我唔到咁，我一直追追追，結果追到落停車場先截到佢…..

狐太太的讀白：
有人問我老公最近忙緊咩，我會答佢…..「唔知道呀！只係見佢對住部電腦，話咩搞緊個好重要既 project，影響力好大，簡直係生死存亡咁嚴重！」

其實我唔知佢講乜，不過我都好少干預佢既工作，而且我亦有我忙既功夫，就好似到左暑假，仍然要為 baby fox 安排暑期班。而我老公，終於唔係再成日對住部電腦，但就唔知點解無啦啦話要練跑，我仲以為佢淨係鍾意踢波。

今日，我又要車 baby fox 去上堂，當我喺停車場出車時，倒後鏡見到有個人跑緊，睇真啲原來係我老公，我估佢又開始練跑步，作為佢賢內助，我一定要幫下手，所以就俾少少油，等佢有個目標追上黎，最後，落到停車場出口，我就停低等埋佢喇……

後記：因為狐老闆追車時整親腳，所以佢就做唔到橡膠穎既邊跑邊嗌，結果，惟有化身成 KC 企定定咁完成拍攝。