回帖︰呢d野，貴有貴攪，平有平攪架者。
我有d朋友，淨係映婚紗相都駛兩三萬。禮服又萬幾兩萬。化妝、攝影、租車………立立雜雜都用兩萬。主菜都未叫，前菜就已經食左七八萬。咁點者？人地有錢嘛。
有個新娘朋友，擺酒個晚話要換夠五套衫喎（咁佢一直留係新娘房唔哂出黎都得囉）。一晚換衫就換左成萬有多。

其實呢d野，量入為出。就住就住，可以好平得又不失禮數。最緊要係女方同女家都合作。唔好浪費d無謂錢！婚紗相個d，除左結婚後第一個月會攞黎睇之外，一世人都未必會再攞黎睇番！就咁放埋一邊封塵。映咁多，映咁貴，有咩為？有d人油畫都整幾張，又幾千。最後發現，屋企根本無定放，又係放係床下底封塵。

不過，女人實話：「咁一生人一次嘛！梗係要最靚同最好架啦！」唔好同佢咬，咬都無意義。