回帖︰其實訂河口湖酒店，大部分人都會忽略一個好重要既重點，就係你住個間酒店既位置！

就用呢三間酒店做例子。唔講酒店既質素，溫泉，收費，我地單單睇位置：
https://goo.gl/maps/FUatCGprE4cx7uLb6

你會見到， BREEZE 係最差的。點解？因為佢同河口湖、富士山，三者之間唔係成一條直線！ 即係話，你望到河口湖，你就望唔到富士山！你望到富士山，你又見唔到河口湖。你想睇到好似我上面個D 相既景，最重要既條件就係，酒店，湖、山，三者要成一條直線。有咁直得咁直。所以，另外兩間，係正湖既對面，同富士山成一條直線，觀景係會好過 BREEZE 的。
而單計呢兩間， 富之湖又會比「 оЪююみЬユ⑦河口湖」好！ 因為оЪююみЬユ⑦河口湖 都唔係完全成一直線。你放大地圖睇，你會發覺，佢其實都係個彎位到。 即係話，佢會有一邊既景觀比D 樹呀，屋呀，遮一遮的。當然，唔會好嚴重，但就係遮你個一忽仔囉。

而我推介個間富之湖，就正正係同河口湖、富士山，成一條直一直既直線，三者之間完全無任何遮擋。你係可以睇到我上圖個個完全無遮無擋既逆富士既美景。呢點係最值錢的！