回帖︰幾點想講：

1. 艾倫發動地鳴既原因根本唔成立！ 殺左全世界八成既人⋯⋯就係為左呢個目的？！ 真係講唔通囉。 佢地自己呢邊都死好多人架喎⋯⋯⋯ 死咁多人⋯⋯⋯就係為左咁？！ 仲有，呢個目的最後可否達到根本天曉得。在我黎講。我覺得根本唔可能達到。 真係走去篤篤個鼻哥話始祖係我消滅既，咁就有人信架囉咩⋯⋯⋯ 你話係就係呀？ 證據呢？ 咁大既功勞。 你唔係以為無人會走出黎冒認係話？ 所以艾倫成個行動既動機根本就牽強到不得了。

老老實實，佢個哥個套全種族自然消失既構思反而更合理，更可行，更有理據。

2. 如果簡簡單單，令巨人係世上消失就可以解決所有問題既話，就唔駛攪咁多野啦。 事實作者自己都畫左，巨人消失後，戰爭根本唔會停止。 墙內墙外既人既互相猜忌亦唔會消失。 所以，令巨人消失唔會係解決方法囉。 最重要係，你根本無可能證明呢樣野。 退一萬步講， 如果令巨人消失可以解決問題⋯⋯⋯咁艾倫發動地鳴黎把鬼咩。 晨早自盡咪得囉。

3.  解決始祖既心魔或心障既人⋯⋯⋯點解係三笠（ 米卡沙） ？！WHY ？！？！ 點解關佢事？！ 完全無解釋⋯⋯⋯就咁講一句就當係⋯⋯⋯

只能說，個局開得太大了⋯⋯⋯ 其實預左係收唔到科的⋯⋯⋯⋯ 現實世界發生既話，可能真係一係墙內人殺盡墙外人，一係墙外人殺盡墙內人⋯⋯⋯⋯真係唔會有一個「結局」囉⋯⋯⋯所以要整個結局比佢⋯⋯⋯就會變成宜家咁。