回帖︰我都明你，我又係諗好多既人，但又無你咁誇張
其實你估估下，想知人地對你既諗法，問題係你地接觸又唔算好多，你期待對方比好好好positive既feedback你係唔現實架喎，除非你外型已經男神咁款好吸引姐，但你諗得咁多，就知你同我地一樣都係普通人一個
你咪多d搵下佢，比個機會大家了解下對方，唔好諗住一定要有咩結果先得架，你自己都唔主動，期望個女仔主動黎溝你咩?
唔通你諗完一大輪，你覺得佢對你無意思你就可以完全唔聯絡放低哂? 你做到咁瀟灑咁無野講啦。如果唔想就咁放棄既，點都試下先啦，約下食野傾多D計，知道佢有咩興趣咪話可以叫埋你喎，接觸多左先知有冇機會
家陣又唔係叫你追佢，得閒聯繫下了解下姐，佢無咩壓力架，係你自己比自己壓力太大，聽落人地對你至少唔反感呀，但你又諗咁多，接觸又唔算多，連text下佢都咁大壓力。你係佢會唔會忽然鐘意你呀? 咩都要有過程架，自然d啦
你唔好咁有得失心。試左點都好過你咩都唔做，自己老左想回憶下都無呀