回帖︰freezefox:其實你知唔知佢有咩嗜好？有咩興趣？放假鐘意做啲咩？有冇學緊咩？ 有冇參加緊啲咩活動呀，團體呀之類。 又或者計劃參加啲咩活動呀、團體呀之類。                 (2021-08-13 18:30) 
其實，傾計又好，TAKE ACTION 又好，首先，你都要做少少「資料蒐集」先。 即係，你首先要了解多啲呢個人先。 唔駛話好深入。但至少唔會仲停留係尋日食左飯定食左麵既階段囉。

雖然你話你地之前一個星期都一齊搭幾次車，傾幾個鐘計。但如果傾黎傾去都係尋日食左咩，咁係完全無意義的。 傾計傾得耐唔代表你認識呢個人的。 我上面QUOTE 既問題，你答到幾多成？ 如果你全部都得O咀既，咁可以提早收檔了⋯⋯⋯

如果佢根本唔鐘意睇戲，咁你約佢睇戲咪多數失敗囉。又或者佢一向只睇文藝片你走去買恐佈片既戲飛咁咪又係死囉。
佢呢排節食你就係咁約佢食自助餐。又或者佢呢排手緊想儲下錢你就約佢去食米之蓮⋯⋯⋯

係要TAKE ACTION，但TAKE ACTION 之前唔係唔駛做下事前預備的。