回帖︰英俊:無提過
其實佢講過既野我都盡量記住，即係佢話想試咩/咩野好好食
....... (2021-09-16 15:26) 
你都識講日日返工攰到嘔啦。 咁想推遲少少再約人都好合理者。
你講得岩，呢一刻，我都唔認為你係可以令到佢就算攰到無命都仲要仆出去赴約。 你自問有冇姜濤咁靚仔先？有冇比比鳥咁有型呀？ 你好似鐘培生咁有錢？定好似林作咁有才華？ 咩原因令你會覺得啲女仔會好似蟻「嬲」蜜糖自動波咁痴埋黎？
呢一刻充其量你咪就一個算係幾傾得埋既同事囉。 係咁多架啦。你宜家係想同佢建立再深一層既關係哎嘛。 唔係講男女朋友喎，有排都未到哎。 先成為熟落既朋友先再講啦。
你要令佢覺得你係RIGHT PERSON！ 你知唔知你要花幾多時間、心機，要比幾多耐性。你想一兩個月內一二三就攪掂哂呀？ 約完第一次食飯，隔個星期就約第二次，然後隔幾日就見一次面，兩三個月內可以拖手呀？ 天下間邊有咁順攤既事？
其實你知唔知追一個女仔係要花幾多精神氣力架⋯⋯⋯⋯