回帖︰第4集:
於是,丘一帆請了張佳佳上了他的家吃飯和聊天.當然此行不單單是吃飯和聊天這麼簡單,張佳佳還不知道他將會面臨丘一帆的大逼供.
吃飯之前和吃飯當中,丘一帆都當作若無其事,像以前那樣在飯局之前和張佳佳在房中閒聊,但他不就在這時大逼供,因為他怕會嚇走張佳佳.所以他選擇了飯後.
“好啦,飯又食完啦,都係時候傾正經野啦!” 丘一帆拉了張佳佳進房中佳下之後說. “正經野?咩野呀?”張佳佳大感不惑. “好啦,你好老老實實同我講啦,你係唔係鍾意0左石文靜先?”丘一帆理直氣壯地說.”下?....做咩突然間咁問呀?”張佳佳開始支吾以對似的說.”咁係唔係先?我都留意0左你幾日架啦,日日都同佢響小息個時兩個人走出走廊度傾計,細聲講大聲笑,有咩唔俾得我知先?我見你同佢傾計個時個樣同你之前想追嘉曼個時個樣一樣,都係成日笑笑口,隻眼總係唔想離開佢的樣咁;又有時傾傾下講到呀靜個時,你就會特別開心,而且仲會好多野講.你好小咁多野講既,我知你份人比較怕醜,就算係講我呀,你都好小可咁多野講既;你以上既行為同個時追嘉曼個時的行為一樣,所以我已經可以斷定你係鍾意呀靜.”丘一帆喋喋不休地說.而張佳佳此時就像一個罪犯被人揭破犯罪證據似的,默不作聲,只好無奈承認.說好聽一點,丘一帆是關心朋友,擔心他;但事實可以說是多管閒事,人家有人家的秘密,不是一定要說給你聽的,就算是好朋友都應該是.不過張佳佳可能為人沒有什麼機心,所以沒有想到這一點.這樣究竟是好事還是壞事?
“嗯….係囉…係囉…”張佳佳無奈地承認.”真係,都話我0的直覺冇錯架啦.” “有邊次你會估錯架…..” ”有架…不過唔係估你個0的野之麻,哈哈!” “死仔…..” “咁你如果係就要好快手行動啦.你知架啦,講真句,呀靜依0的真係搶手貨,如果被人搶0左個時,你就真係喊到冇謂.你知啦….似乎呀朝都想追佢…” ”我知….我都覺得佢想追呀靜…所以我一直都唔敢出聲就係咁解….” “下,點解呀?我知啦….梗係你又驚追唔到…驚做唔番朋友啦….” “所以話幾時都係你最了解我…0米係囉,你知啦…我唔想咁麻….我寧願唔講出口,繼續做朋友,好過到時,失敗0左,大家面左左就唔好啦…..” “你成世人都係咁既,驚依樣驚個樣,咁樣你點追女仔呀?追女仔一向都要膽大心細架啦,仲有就係面皮厚.” 丘一帆這個人就是有口說人沒有口說自己了,他自己何嘗不是害怕這,害怕那,所以到現在都是單身.
“我知…..不過始終都係驚….麻….” “你幾時先驚完呀…..我驚你到你驚完呀朝已經同呀靜一齊0左啦….驚….” 張佳佳又開始默不作聲. “比0的信心自己,去追度你自己想要既野啦,到時失去0左又怨天尤人就唔好啦…..加油啦!你知我一定會支持你架啦!”丘一帆開始鼓勵張佳佳. “ 我知啦…我會架啦…你比小負時間我,我一定會追到佢既….” “好,我就等你好消息,你個死仔唔好令我失望呀.~!知嗎?” “一定!” 張佳佳大聲地說.
張佳佳一直等待一個機會到臨,機會一到,他就會準備表白.機會的東西,大多是上天給予,但成功與否就要看其造化了. 但如果不是上天給予呢?

下回預告:究竟張佳佳什麼大好機會呢?而他又會否好好把握這個好機會而抱得美人歸呢?

心之話
張佳佳其實是自卑心作祟,令到他自信心受損,可能是與他之前的經歷有關吧.
丘一帆關心朋友是對的,不過過份的關心,可能會變成管束.
愛情一種可遇不可求的東西,來也快,去也快,機會可能就得一次,你是否掌握到機會就真的是要看你自己了.