[電影]Christopher Nolan宇宙科幻作品《星際啟示錄》Interstellar [復制鏈接]

icemanbergkamp:有冇人記得接近廿年前既 "contact" (jodie foster 主演果套)?  比較如何??
有d擔心, 希望愈大, 失望愈大 [表情]  (2014-11-11 16:22) 

總之好睇, 除了視覺音響, 仲有親情, 愛同因果元素....好一套要思考既電影!

揀左d term 等未睇既人了解下套戲會提的科學理論
好少量劇透，唔影響觀賞



幻想宇宙是一個平面，黑洞的巨大質量及重力扭曲時空，把兩個宇宙打通可以穿梭時空。


物理篇

1.     我們是身處一個3D的宇宙，是立體世界，人類是3D世界的生物；
2.     可以幻想，2D的宇宙也是存在的，是一個平面世界，就像白紙上有些螞蟻在爬行；
3.     而1D的宇宙是一條很幼的直線，而螞蟻在線上爬行；
4.     假設，宇宙不只有一個的，是有多個宇宙的，例如一個2D宇宙好像一張白紙，多個2D宇宙就像一本書；一個1D宇宙是一條線，多個1D宇宙就像織布機上的一排線；
5.     那麼，一個3D宇宙就像一間房間，多個3D宇宙就像一間酒店或一間屋；
6.     再設定，即使都是1D宇宙的生物(我比喻為螞蟻)，但不可以爬到其他1D宇宙，即是不可以爬到其線上，2D及3D的生物也是不可以的；
7.     除非是有人用「力」把一條線壓到另一條線上，螞蟻才可以爬到另一條線，而被壓的直線都扭曲了成曲線，或者在線上改放一顆又細又重的鉛珠，令重力壓在線上，也可做到同樣效果，跟據「萬有引力」是有了質量就有了重力，可以總結說成是「高質量」產生足夠「重力」（Gravity）同時「扭曲了宇宙的空間」；
8.     跟據第7點，在白紙上放上一顆又細又重的鉛珠，同樣令平面下陷及扭曲，推論是1D、2D、3D世界也同樣會因為「高質量」產生「重力」同時「扭曲宇宙的空間」，而黑洞就是3D世界的「高質量」鉛珠；
9.     暫時先回到第4和第5點，可以想像一下多個1D宇宙組成了2D的宇宙，多個2D宇宙組成了3D的宇宙，多個3D宇宙組又組成了4D的宇宙？！4D的宇宙就是時間或者時空，就是上述舉例的酒店；
10.     我們凡人不可能在4D的時空酒店內穿梭，我們都被困了在自己的房間(3D宇宙之內)，或許4D宇宙的生物可以像酒店的服務員任意穿梭，而4D宇宙的生物或許是外星人、進化後的人類或是上帝，我暫時假設是上帝（這個概念正正解釋電影最後結局，主角在4D生物協助下，在黑洞內可以尋找過去的時空方格）；
11.     只要4D世界的生物，即上帝，在兩間房中間放了顆「鉛珠」即是黑洞，就可以令兩個3D宇宙扭曲，打開了通道連接房間，與其把黑洞比喻成「鉛珠」不如說是「炮彈」直接打穿牆壁，而打通了代表3D宇宙的兩間房間就是打通了兩個時空，（「打開時空的通道」說得輕鬆，但黑洞的極高質量引起極高的重力，人類在黑洞邊沿都被壓死或撕成碎片）；
12.     跟據11，因為4D宇宙就是時間，可以簡單解釋為「極高質量」產生「極高重力」同時「扭曲宇宙的空間」及「時間」，所以飛船愈接近黑洞時間很得愈慢；
13.     而所謂的蟲洞是跟黑洞是作用上很接近，但黑洞是打通不同的宇宙，蟲洞就是在同一個宇宙內打通不同的地點和空間，作瞬間轉移，
14.     如戲內的解釋，蟲洞就像是把線或紙灣曲得兩端貼在一起，比喻宇宙空間的扭曲及空間連接，如戲內的解釋，最後，用鉛筆插穿了兩個洞，插穿的動作比喻「穿越空間」的動作，白紙的兩個洞比喻成穿越空間的兩個出入口，在平面上是圓形，在現實的3D世界是球體；

睇左既可以睇條link分析埋劇情 :
http://www.vjmedia.com.hk/articles/2014/11/08/90334

http://www.movier.tw/post.php?SID=44160
星際效應(Interstellar) 完全圖解分析 暴雷暴光光        

sun:5維應該係上帝, 即係SOURCE.... [表情] (2014-11-11 16:54)

我又覺得未必一定係上帝
可以係未來既人類(已經搞掂左條公式!?)
可以係上帝(宗教)
可以係外星人(科學)

成套戲最精妙之處就係冇提過上帝/造物者
其實睇你信宗教定科學
第5維我覺得每個人答案會唔同
依個位我覺得好好

簡單講，任何有質量既野，包括你同我，都會令空間扭曲，當然程度微不足道， 就算整個太陽都只會令空間扭曲小小，但黑洞擁有超級質量， 即係黑洞附近的空間會嚴重扭曲，扭到直頭180%對摺，變咗個捷徑，就係蟲洞， 可以用好短時間穿越兩個不同宇宙。

sun:5維應該係上帝, 即係SOURCE.... [表情] (2014-11-11 16:54) 

係上帝即係又係一個謎 （非教徒）

冇錯，最簡單方法去明白係用一張紙畫兩點
之後對摺，兩點之間重疊
用筆穿過，就等於用蟲洞穿越兩個空間
大家一試就明

阿童木:係上帝即係又係一個謎 （非教徒） [表情] (2014-11-11 18:52)

我覺得係未來既人類

不過我覺得除左科學理論吸引
Nolan又再一次借戲詮釋左不同人性
男主、女主、男主的仔女、教授、麥迪文甚至開頭個miss
完全係唔同人性的代表
唔講咁多，睇左的應該會明

最重要套戲好有前瞻性、啟發性(少量劇透)

人類將來可能面對的糧食問題、沙漠化
穿越時空、另覓適合人類居住的星球
甚至最後的五維空間、看穿過去末來
已經唔係講科學咁簡單，係哲學思考
同對未來人類知識的探究及一種永在的力量
當然，如戲中所言，只有愛的力量才可跨越時空
亦是今次Interstellar想帶出的要旨

睇完冇即時諗到咁多野
但再次回想，才驚覺帶來的震撼
絕對值得一睇再睇

4維係時間即係咩意思???????????????

羅力亞:我覺得係未來既人類[表情]
 (2014-11-11 18:56) 

我覺得系另一種生物，唔系未來，唔系神，唔系外星人
只系對方生活系另一個空間，5D
所以我地感受唔到
就好似渺小既螞蟻感受唔到人類，理解唔到人類
對方對我地黎講亦太巨大
我唔覺得系未來人類就系因為5D
我地既肉體限制我地只能理解到 3D既世界
所以我唔認為我地有可能進入5D 既世界，除非我地失去肉體
而人類失去肉體，亦等於死亡...

tc2218:我覺得系另一種生物，唔系未來，唔系神，唔系外星人
只系對方生活系另一個空間，5D
所以我地感受唔到
就好似渺小既螞蟻感受唔到人類，理解唔到人類
....... (2014-11-12 04:04)

冇錯，我地現階段只係3D空間(加埋時間影響就4D？)，5D係咩我地根本未理解到
但我地唔可以否定人類可以進化到五次元生物的機會?

好似好天荒夜譚，但只係現階段做唔到所以好難理解

人失去肉身即死亡，這是現階段的認知
但有朝一日人類可能可以唔再需要肉體？
我意思係人類已經突破左肉身的局限
以其他方式存在(腦電波？我地唔會知)
好似靈魂出竅，肉體雖亡、精神卻永在
這不受時間、空間限制

正如道家所言，魂遊太虛，佛家亦有講肉身只係臭皮曩
基督教話上天堂，其實指咩？
有可能就係指人類達到/突破某一些限制後進化成五次元生物？
冇人知，因為你講左，我地理解唔到對方(進化後係另一個空間)。。。

Sorry講到1999可能睇得太多科幻小說。。。
但我之都有講，我覺得依個位正正係套戲其中一個要思考既位

如果跟劇情講(反白)
佢地一路都以為有"They"幫手
當男主入到黑洞之後先發現當年的ghost竟然係自己
係佢改變重力提自己個女
咁係咪代表幫佢既其實係進化左/未來可以生存於5D空間的人類？("Us")
所以男主可以利用個空間係睇到哂過去(好似係條timeline上面睇野咁)
但因為時間不可逆，所以佢唔可以改變過去(自己走的事實)
但重力可以改變，所以改變重力俾提示自己個女完成條反重力公式
(開場已有講收到hint，只係佢同個女未figure out到係男主自己，以為係ghost推跌d書)




我理解係咁，唔知啱定錯
但套戲真係好多思考空間
希望大家繼續討論

羅力亞:如果跟劇情講(反白)
佢地一路都以為有"They"幫手
當男主入到黑洞之後先發現當年的ghost竟然係自己
係佢改變重力提自己個女
咁係咪代表幫佢既其實係進化左/未來可以生存於5D空間的人類？("Us")
....... (2014-11-12 06:53) 

黑洞入面既系3D空間，系5D生物為男主制做出黎
所以唔系男主(人類)進入左5D空間
而時間系4D亦只系假設，對5D生物時間根本唔系一個問題
所以5D可以令時間實體化
而5D所做既野系比機會人類去生存落去，無親手去改變人類，或者可能5D根本無能力晌3D實體化
而5D揀主角既原因系男主同個女既愛，既感情連系超越左時間同重力既限制
其實呢段最亂，因為完全系科幻。用morse code黎傳逮甘復雜既資料...

所為宗教，天堂，飛仙，彼岸....個人覺得系大部份人唔想接受人死如燈滅，死亡等於終結既解釋
總系覺得死後總有另一個世界
生命只有一次，時間唔會停，唔會倒流

tc2218:我覺得系另一種生物，唔系未來，唔系神，唔系外星人
只系對方生活系另一個空間，5D
所以我地感受唔到
就好似渺小既螞蟻感受唔到人類，理解唔到人類
....... (2014-11-12 04:04) 

但就解釋唔到點解佢地會揀我地黎救?點解佢地明白愛既意義?
所以我都覺得係未來既人類。

呢段最亂就一定，因為我地現有認知唔多
但有咩方法用影像呈現出來？
我覺得佢用書房(點解係書房唔係其他地方？你講左啦因為佢地既愛)做空間，一間間房做唔同時間重疊
我認為已經表達得唔錯，其他好似時間、蟲洞、黑洞算解得簡單清晰


用Morse code郁隻錶，係因為依個係父女既connection


如果有留意對白，男主有講it's us, not them
意思係其實佢俾hint佢個女係注定，
其實係Predestination paradox
"Murphy's law doesn't mean that something bad will happen.It means that whatever can happen, will happen."
點解佢個女叫Murph，我相信有暗示的

至於係5D生物、外星人定未來人類創造空間俾佢，我估人人唔同答案

最後，其實我係冇宗教信仰的
我提出宗教觀點唔係因為我信有永生
係正正因為覺得人類對生命的認知太小
解釋唔到，只好用宗教去包裝

btw, 你回左我CM，反白出左黎