下面是引用萊斯特於2006-03-21 20:24發表的:
你係指宜家個case唔係日記,
還是指寫意論壇的人沒有認同呢種行為係錯??
兩樣都有。
一，宜家呢個case唔係日記。更重要係，唔係即時可以判斷誰是誰非既case。你個例子入面，所有野都係「肯定式」既，當然可以即時有個對錯是非判斷。但呢個case，好多野都唔係「肯定式」既。即係如對方所言，點知係邊個抄邊個？即時你話post既日子係呢邊先，個邊後，但唔可以否定一個可能：對方係另一個論壇已出呢個post，我地copy左佢，佢又係寫意再post，所以時間雖後，卻是原著。係咪先？要咬，實有得咬，有得咬既野，就已經唔係百分百肯定誰是誰非。
當然，若然我地耐心解釋，多番舉證，證明到係對方copy我地，咪可以更合理地要求對方del個post囉。但係我地既功夫，並唔係花係解釋同舉證上，亦無好好同對方溝通，兩方面都無誠意解決問題，只係互相攻訐。咁又點能夠達到共識？
所以，要查，要問清楚有關人等，先可以判斷。去到呢方面，急唔急，積唔積極地處理，就變成價值觀既問題。唔係對錯既問題。即係，若然你百分百證明到人地copy你，佢咪處理囉。否則，佢咪拖住你囉。因為佢唔覺得好嚴重嘛。
若然同類事件發生係好友，問題會容易解決得多。事實上，以前的確發生過。我地有會員走去人也既論壇，成段成段有關音樂欣賞既post就咁copy過黎。唔該都無聲。結果，攪到人地個壇過黎嘈。人地都唔係去辦公室投訴，只係就咁係個topic到鬧個個copy既人，叫佢下次唔好。我地呢面，已經高度關注，積極參予。馬上刪post唔在講，又道歉又保證咁。點解？因為我地既價值觀唔容許我地接受呢樣野。我地覺得「醜」！呢樣野好重要！我地覺得醜，覺得無面，所以就算人地唔投訴，我地都馬上處理。仲係好積極個陣。件事都攪到幾大。人人圍插copy個個會員。
但好明顯，個便唔覺得係咩一回事。當大家既諗法有唔同個陣，你夾硬要人地認同你既諗法，或接受你既道德標準，本身係好困難既一件事。加上雙方又舌劍唇槍，就更加無野可以講到。變成一場駡戰。咁就更加無可能達到原本既最重要目的：刪左篇文。
