引用第367樓ryan_kewell_7於2008-02-14 01:55發表的“”:
呢個世界有好多有心人
甘樣做令自己有機會俾人捉左
但我唔係認同偷相賊冇錯 [表情]
.......
宜家唔係討論放相個個（或個批）。佢地係賊就係人都知唔駛討論（呀……都唔一定……呢到都好似唔少人當奇拿係神咁拜，好認同好支持佢既行為………）。
宜家係講緊，日日係到睇相，儲相，傳送相片既我地！
本來呢D 八卦野，大家都好奇，追睇下D 相，真係人之常情！話之你係咪侵犯私隱呀。但我最奇怪既係，點解大家明明係偷窺 架，應該側側膊，唔多覺，做左都唔好比人知先岩架，家下做到咁光明正大！一直睇住人地既性生活相（無問過人地架喎！）然後一路講：「哎呀，道德淪亡啦！你睇D 人幾賤格！咁既相都影………嘩……呢張個POST 好索喎………喎……佢地有冇羞耻心架…………噓………嘩，睇唔出佢平時斯斯文文，原來內裏咁OPEN，嘩，正到哎………」
義正嚴詞如此………聽到我耳都側埋………
等如，即係呢，我唔會假道德到走黎話你地睇AV唔岩，唔道德！但我又真係接受唔到成班人一切圍住黎睇AV 然後係論壇公開高談闊論囉！呢D 野，收收埋埋做好D………
若然你認為咁叫假道學，咁就當我偽君子囉。
