引用第398樓sun於2008-02-15 12:45發表的“”:
唔知你會唔會用呢個標準教育下一代了...
佢私下就算多...無人理佢..亦唔關我事...
.......
嘩！講到教育下一代咁大個命題添！
ok！若然我要同我d 小朋友講，當然要視乎當其時佢地既年齡同理解程度。宜家，我根本唔駛講，因為佢地都唔知發生過咩事。
但若然家中既小朋友已經係中學生，日日上網，你「奢望」佢無睇過呢d 相，係自欺欺人。你知道後禁止佢再睇呢d 相係不知現實。比我，我會叫佢就住呢件事件反思。反思既題目好多，可以帶出既啟示亦好多。例如，我唔會禁止佢睇或傳，但我會叫佢自己反思一下，再睇或再傳呢類相，是否道德。一開始，大家都未知咩事，當然人人都會有追尋真相既好奇或衝動，到後期，再睇再傳既目的，除左八卦，就只剩下八卦。八卦本身無問題，但若然八卦既行為，嚴重傷害他人既尊嚴同心靈，我地係咪可以考慮，唔睇唔傳，主動咁撲滅呢場社會既精神污染大災難呢（日日係街所有報紙雜誌都登呢d 四級相，隨街展示，仲要係新精頭，仲唔係精神污染）。所謂己所不慾，勿施於人。唔好話你係阿嬌或bobo，當你係佢地身邊既朋友、親人，你會有咩感受，你願唔願意整個社會都係到用眼睛強姦你地既親人朋友？又諗諗，假設你同學仔玩野，將你d 醜態行為好似撩鼻屎呀，偷拍你去厠所呀咁，掟上網同成班同學仔笑你唱你，你隨左好僧個個影相既之外，你會唔會一樣好憎個班傳閱你d 相既人？點解會憎？你諗緊咩？你覺得佢地既行為邊方面可耻？邊方面不能接受？你點睇宜家你自己做緊既行為？性質上同上述例子有何不同？
以上，只係其中一種反思。其實今次事件，仲有好多好多值得討論既命題。傳媒係事件上既角色與既道德標準既價值、社會群眾既集體行動與其道德判斷的相連關係、警權與人權既平衡………等等。當然，部份命題，可能要到高中程度先可以有得討論。
希望係反思中，下一代會有唔同既啓發。呢d，我只會同我自己既下一代，或者我既後輩討論，我唔會蠢到攞上黎同你地討論。
反而，最原本既：「同男朋友仔好唔好影d 咁既相呀？」呢d 先無咩討論價值。
