申請禁止會員史密夫在【賽事直播】一版中發表文章|【論壇政務總處】 - 【好友論壇】- 以足球會好友 - 第2頁

離線智者

版主

發帖: 14653

好友元: 46535

閱讀權限: 37357

貢獻值: 2

只看該作者 15 發表于: 2005-11-06

下面是引用frankie於2005-11-06 12:45發表的:
我反而希望壇主看看荷版主回覆
我好同意荷版主講法
一視同仁是何其重要 [表情]

柯版主 :

下面是引用horance於2005-11-06 04:38發表的:
>>>>>以前現場直播根本無咁多規舉！人人都好自由，亦好自律！一晚五六場波，只會爭住黎開。從來無話無人肯開topic既？

宜家，無直播個d，大家都費時開topic！以前真係從來未試過架！大家既熱誠點解會無哂？！點解？因為煩囉。幾十樣版規。仲要攪到好似好恨同人爭個幾十蚊好友元咁！我相信好多版友宜家無動力去開topic，就係因為「不屑」去開topic！！<<<<<<<<<<

其實哩個版一直都有四條版規,史密夫冒起左如是,我做左版主都只不過係放寬左第2條版規姐...

我個人覺得,好多版友宜家無動力去開topic,唔係因為版規多..
讓人拎果50蚊可能係其一,但係最大原因我覺得係大家對冇update既人反應太激烈而令人(想開topic果d)卻步...
大家都害怕自己隅有失手,會做左第2個史密夫俾人插...

>>>>>就係因為一個人，我地就攪咁多野出黎。值唔值先？<<<<

一d都唔值...所以我係絕對唔想為左佢而收窄版規...
而家我採取既態度只係跟番原有,一視同仁,既規矩做野:警告-->扣好友元-->禁言...
與其收窄版規,我情願忍佢兩次,大條道理禁佢言。

>>>>最慘係，你幾多規舉都無用！佢一樣係咁係到鑽灰色地帶！一無人開topic，佢就引用版舉，大條道理咁又開一個！版規唔單止無制衡佢，仲比埋藉口佢開topic添！吹咩？死未！大家睇下，佢一晚開幾多個？開完又走左去，等我地執手尾。咁算點先？阿柯版主，你今晚係到就話你改者。你肯定你晚晚係到幫佢執手尾？搵晚你又唔係到，總版又唔係到。佢開到成版topic又走左去。咁又點呢？<<<

佢引用版規，大條道理咁又開一個係冇問題的。
冇人開,開左波5分鐘後,佢開有什麼問題??佢update唔到哩d野就另計,到quota自然會byebye....

>>>>係咪有左版規之後，個版好有紀律？又唔覺喎。以前自自由由，大家互相提醒！氣氛又好！規舉又守足！宜家氣份又差，d人一樣唔守規舉。我地點呢？寬容完一次又一次！明明一大班好友都表示極度不滿，我地仍然當睇唔到：「比次機會佢，比次機會佢。」<<<<

首先,版規一直都有既。
而家氣氛差,d人唔守規矩,總括之下都只係一個人引起既風波姐...

其實我今次只係扣好友元(你眼中既「比次機會」)
都係想做一個一視同仁既樣出黎姐....
如果我而家就咁ban佢...當遲下有一個品德良好既會員部腦down左,update唔到果陣..
有人問我做乜唔ban哩個「品德良好既會員」,我可以點答??
我覺得作為一個版主,我唔可以好似你咁講：「我而家就係針對緊某人呀~」
所以我o係今次都係選擇「俾多次機會」...希望大家可以諒解...
到下次...警告,扣好友元都試過,咪到banban囉~

希望史密夫睇到哩個topic既所有post之後,了解事情既嚴重性...
俗語有話:「聰明人唔打冇把握既仗」
你而家得番一個quota,以下每一次開topic都要三思而後行...
到底係一場100%可以戰勝既仗定係99%或以下呢?
我勸你99%或以下果d都唔好再搏了...否則後果自負...

ps:當然,事情而家都鬧左上office,都已經唔到我話事,我100%尊重同服從muly下既決案...