引用第89樓benkwan38h於2010-01-09 17:36發表的“”:
桶兄，你似乎100%支持起高鐵啵，
係呢D數據的的確確令到人覺得高鐵的重要性，但就係冇咗種同情心，我諗菜園村的案例只係其中一個，係中國大陸裏面起高鐵的時候，都應該有好多，但偏偏大陸唔理，好多村民都被迫搬走，而又因為大陸欠缺新聞自由，令好多人都覺得高鐵是種方便而且又能幫助中國經濟起飛的交通工具!
但始終大陸係發展中國家，不人道事情的出現係可以原諒既，但身為一個國際大都市，民主先係最重要既一環，無咗民主，中國到而家都未能擠身到強國之列(我既睇法)。而家80後挺身而出，就係因為佢地有着一顆同情心，比起30歲後既人，佢地更加會激烈地反對，就係因為大家都係向錢諗，就好似令人覺得佢哋既行為荒唐！
經濟同方便對我哋來講，真係甘重要????
同情? 你睇下菜園村支持既人比人恐嚇，呢ｄ都係叫同情? 咁同內地城管有咩分別?
內地而家最大既問題係交通唔夠，雖然經濟影響個個人都要離鄉別井出城市打工，變相加重左交通系統既負擔
而家平均計，一個中國人有既鐵路長度連一支煙都唔夠，主幹線嚴重超負荷運作，剩係運人都唔夠運，何況係電煤? 而家內地只可以係主幹道上面唯有係停哂大部份既貨運班次開客運，只可以保證由京廣武漢以南既路段只可以保證由湖南來香港既兩班運糧食既班次可以正常到達
當然內地政府好多時係拆遷問題上真係好需要去改進．．．但係菜園村有幾多個係原居民，有幾多只係霸佢地無權佔用既地方?
民主係需要，問題係而家根本上係未有能力去做到。起碼要解決左衣食住行基本需要先至有能力去攪更高層次既野
