迪士尼問題---香港政府對與錯? , 我既睇法 + 討論 [復制鏈接]

我呢幾日睇睇睇................睇睇睇睇左好多香港迪士尼既問題

發覺香港政府成日話要製造一個公平交易,營商既空間

點知原來呢單香港政府自己造出黎既國際性交易
就唔見得有咩公平利益

比地,又開晒先例比"美國商人",改地名,改路牌等等,重有好多好多我都無心機打晒係度
不過我覺得改地名,改路牌唔算係太差既決定,各花入各眼,但----

君不見錢係要政府出n 倍多,但股份卻極度不成比例
而且對香港既真正經濟效益真係唔多
睇完d 咩什麼什麼經濟專家分析又覺得係有道理
迪宜尼既經濟效益明顯係佢地自己既多
佢地玩具既專利權,迪士尼係美國特色遊樂勝地,唔係香港本身既特色~
吸引人地遊客黎香港玩既未必一定係迪士尼
再者今日睇新聞訪問d 歐洲遊客行香港迪士尼時,明顯不太滿意
咁又係
世界咁多迪士尼
要人地黎玩唔係唔得
但依家明顯香港迪士尼係給比下來,
不過可見既係迪宜尼既擴建會有改善


但係d專家講既外資流入同埋商機,真係唔多，重要係小
迪士尼只係吸引倒遊樂既資金，遊人唔會因為玩完香港迪士尼而出現在港投資,置業等等
而產物亦全數係 迪士尼產物
即係無其他商人可以係呢件事加入
收益又係迪士尼多,即係for 美國商人
唔係話香港政府無收入
不過記住香港政府係動用左n 咁多億去做呢單"交易"

肯定既係有排唔會蓋得過呢2百幾億(香港政府既支出)
呢ｄ錢好多香港人都有份
即係好多香港人都有份投資係呢個項目度

明顯真正有真接利益既只有迪士尼

我覺得呢單唔算係一單交易
如果呢單係交易
政府就唔洗出最多錢
卻處處讓步呢班美國商人, 處處受制於人

電視已經播出
第2階段既興建,"皇帝唔急太監急", 迪士尼高層對第2階段既計劃似乎用一種"拖得就拖"既態度

但係迪士尼正同上海政府傾興建另一個中國迪士尼又係一個事實
咁之前香港政府故意提出咁多讓步,出多咁多金額,去同北京,上海中爭贏番黎
又好似比人家明"搵笨"


自上次維港巨星薈既國際性醜事
感覺上又一次幾大失誤

不過比上次黎講
應該都未算太差

雖然有部份人覺得呢ｄ　本是樂事，我地某部份人講呢ｄ　野係"破壞氣氛",無事生非

但係呢２百億係香港資產，我地係咪應該繄慎去分析，運用呢
唔係只顧玩樂，不理事實

講完我既睇法
大家有無ｄ咩資料，想法可以一齊分享?

thx~

香港政府以為迪士尼係靈丹
可以帶起香港
係唔係真係可以...?
其他地方都有為何要黎呢個~?
由唔係大....
前幾日睇新聞要香港執法人員除制服
感覺好似極度唔尊重香港政府、人
迪士尼自視甚高~

其實個問題係當初政府(其實香港人都係)太過高估迪士尼效應

政府要出多d錢係正常，因為迪士尼個brand name係值錢既
不過係咪值咁多呢......就有保留啦

而且又唔可以怪晒政府，當初好多香港人知道香港可能有迪士尼都想會成事
事實上香港亦缺乏旅遊景點(講真以香港現有既景點，我都唔知點解有咁多大陸人想黎旅行)

依家咁多人對迪士尼不滿，一方面係大家意識到之前神化左迪士尼，發現迪士尼帶黎既好處(尤其是短期好處)同想像有好大距離(例如旅客未必延長留港日數)，一方面係憎人富貴，唔抵得迪士尼搵到著數(我都唔係太認同迪士尼，特別係佢咁對待員工，但係人地真係唔係黎開善堂)。至於有無俾人搵笨既問題，我覺得依個係informed decision，佢又唔係有d hidden terms，又無承諾唔會係大陸起樂園，只可以話當初諗得太天真

依家黎講對與錯已經唔重要(都無得返轉頭，唔通拆左迪士尼咩)，政府依家可以做既包括1要求迪士尼盡快落實擴建，2加強投資其他旅遊景點特別係海洋公園或者建設新既主題樂園，推動商業機構進步既身重來都係競爭唔係專營

跟本一開始係香港起迪士尼就係錯誤決定
人地搵香港黎做打入中國市場既第一步
跟住就係上海迪士尼

香港憑咩本錢可以起迪士尼?
人地美國一個迪士尼就大過你成個香港

而且有前科啦, 除左美國既迪士尼, 無一個係成功既
日本果個都叫好d, 無蝕咁多, 因為係日本人自己打理