[西甲]20億換四大皆空 皇馬柏帥前途未卜 [復制鏈接]

【明報專訊】皇家馬德里周日作客爭分護級的馬拉加，開賽不久遭對方中場杜達攻陷，最後僅憑雲達華治扳平，以1﹕1完場，各得1分。馬拉加取得救命一分，完成護級「大業」，皇馬則以3分飲恨西甲王座。

96分，放諸四海任何頂級聯賽已奪冠有餘，「銀河艦隊」教練柏歷連尼只好嘆句「既生瑜何生亮」，這名智利籍主帥的前途亦成疑問。柏歷連尼明言﹕「近來數周，對於一切不明朗事情，我都得不到清晰回應。」皇馬易帥傳聞甚囂塵上，柏歷連尼則寄語下任「艦長」﹕「他必須比我做得更好，要取得100分以上。我知道一無所得，但就算聯賽奪冠，我不認為最後決定因而有變。」總監華丹奴表示球會將從長計議，商討來季方向，未正面回應柏歷連尼的去留。

作客表現差成零冠關鍵

季前豪擲逾20億港元，重金買入世界足球先生卡卡及基斯坦奴朗拿度，卻換來四大皆空。其實，相較上季聯賽成績，皇馬攻守皆有改進，取得極高分數仍失落聯賽，關鍵是今季聯賽兩負巴塞隆拿。皇馬第25周乘巴塞隆拿失分予艾美利亞而「過頭」，惜在國家打比中落敗而再度落後。此外，皇馬在盃賽作客表現差劣，包括西班牙盃作客慘負「丙組仔」艾高干4球，以及歐聯16強一球敗走里昂，皆令他們主場無法追趕，以致出局。

http://hk.sports.yahoo.com/100517/42/3sm8f.html

佩雷斯坐落去教啦

有冠軍都要走, 咩都冇都係

咁講真..你都要俾一班外流球員適應打西甲架...雲達華治打得越黎越好

起碼我覺得今季比幾季前好左好多...
你睇下皇馬輸完比巴塞之後咪又係連贏番...
你試下係幾季前皇馬輸完比巴塞之後...睇下仲有冇決心去贏波？
最起碼我覺得柏帥有咁成績已經好好...96分...近幾季皇馬邊有咁高分？
邊有入球過百...
但係同時有傳摩連奴上任...我比較想摩連奴上任..
始終佢既教波好強...我相信可以為皇馬注入有效防守意識同時我覺得以佢性格我覺得佢對同皇馬高層對抗...

如果唔係Mourinho, 就唔好炒佢啦, 佢都帶得好好

陰公, 90幾分都贏唔到冠軍....

既生喻, 何生亮.....

柏歷連尼已經帶得好好了 拎唔到冠軍都唔係佢問題 係巴塞太勁

既生喻, 何生亮
好贴切。。

摩佬打防守足球，就算攞到冠軍都應該留唔耐

引用第4樓RMadrid於2010-05-18 16:52發表的“”:
起碼我覺得今季比幾季前好左好多...
你睇下皇馬輸完比巴塞之後咪又係連贏番...
你試下係幾季前皇馬輸完比巴塞之後...睇下仲有冇決心去贏波？
最起碼我覺得柏帥有咁成績已經好好...96分...近幾季皇馬邊有咁高分？
邊有入球過百...
.......

拎到/拎唔到冠軍咪又一得一年教
個個主席都係俾一年人玩
有幾多錢,幾多勁球員都無用

引用第9樓杜菲斯於2010-05-18 18:11發表的“”:
摩佬打防守足球，就算攞到冠軍都應該留唔耐 [表情]

佢黎到拎到冠軍先算啦

引用第11樓utadahikaru20於2010-05-18 18:59發表的“”:
佢黎到拎到冠軍先算啦 [表情]

我係話就算呀

攞90幾分已經好好, 認同如果唔係mourinho就唔好換啦
呢幾季今季算打得好

致命既係最重要既比賽
全部輸哂..唉
可惜