[擺到明呃POST博宣傳]回顧返遊戲舊POST，過往我只係一句謝謝了事，一直無好好回應每一位上次支持遊戲既好友。
趁呢個POST我想多謝返佢地，因為遊戲可以成功全賴佢地既落力參與。
TO: icemanbergkamp
記得你係遊戲入面投標最多既人，有一次投標過左截止時間，仲同我及其他隊友SAY SORRY，我覺得除左遊戲以外，大家仲有學業/工作在身，其實唔記得投標一兩次係情有可原，然而我相當佩服你呢份責任感。多謝你！
TO: sikingthegreat
你應該係遊戲裡面既水王，就算唔係第一都第二，無左你既主動留言黎帶旺人氣，我諗遊戲既熱切程度會大減，由每晚投標結果以至賽事結果無所不談，每日都好慶幸見到你既熱烈留言，增加大家對遊戲的投入。多謝你！
TO: 朗尼
任兄，我有預感如果搞返AVEEGO對戰版，你一定會黎參加，因為我知道你仍然是一位熱愛AVEEGO既忠實玩家，能夠提供一個類似既遊戲畀你玩返係我既榮幸，可惜我未曾參與過任兄搞既遊戲，但無論如何，多謝你！
TO: 英俊
唔係無意中睇到你想玩返AVEEGO，我都無諗過會試下搞返黎玩，隔左咁多年，當年遊戲既細節你仍然記得清楚，證明你有幾想念呢個遊戲，遊戲架構基本上無可能同當年一模一樣，但希望呢個版本你會滿意，多謝你！
TO: KeL
記得你留言講過每次都忍唔住第埋第一晚投標結果先瞓，我真係好感動，我以前玩既時候都會咁樣，你令我回想起果陣時玩AVEEGO既瘋狂，不過各有各忙，好難得會有呢種對遊戲既熱切追求，D組組長，多謝你！
TO: kcwjames25
我對你既認識同認知不太深，但我知道你對遊戲既熟識好深，買人方向務實，同我當年既買人方向簡直南轅北轍(你叫我而家玩返實比人笑)，只係你好少吹水，如果有機會，咪入黎吹水囉，我都想跟你學野，多謝你！
TO: 魚蛋
睇得到你同組員既合作無間，組員間透過採用策略性既投標，取得理想既效果，組長角色擔當得相當稱職，不過我諗你背後要付出既時間心機之多，我其實可能睇唔到哂，所以好多謝你既付出，B組組長，多謝你！
TO: realwayutd.
由上次到今次遊戲都好留意同支持，我記得你參與度算最高，投標,議案投票,頒獎禮投票所有項目都有參與，玩完之後仲多謝我TIM，其實我應該多謝你，無你既投標,投票，呢個遊戲都已經唔好玩了，多謝你！
TO: 619
我一定記得你，你熱身賽頭一兩次投標果陣無哂影，唔知去左邊，我幾想發火，不過，之後見返你每次投標都好落力同用心諗下，有時仲等埋結果先，我諗其實我怪錯左你，遊戲能夠得到你既關注，多謝你！
TO: leohmygod.
我對你的印象唔係好深，但係我有時處理投標都會醒起你，因為有時你D投標令我摸不着頭腦，但又幾有趣，亦令我覺得響沉悶既投標處理中搵到樂趣，希望日後日子令你會對隻GAME有多D意見，多謝你！
TO: HINNNS
無得頂，當然講緊你既勇抗強敵啦，面對擁有神巴利既KeL決定拼命一戰，果一輪賽事我記得仲好成功咁為A組打響頭炮，所以你既貢獻功不可沒，可以同你響FOA Sniper做隊友係我既榮幸，A組組長，多謝你！
TO: 真秘密
感謝你，對遊戲提出好多意見建議，肯對遊戲有建議表示你非常重視遊戲所帶畀你既野，所以有時我都會睇返你地討論AVEEGO既存在問題同埋改善方法，呢D寶貴既意見係令遊戲質素不斷提升既重要關鍵，多謝你！
TO: 05cw2
你發言真係好少，但係投入度好高，對於我黎講，係默默支持既表現，可能有時不用多說話，行動已經足夠代表一切，但係我其實都想知道大家更多想法、意見，不需要太多，只要簡單一兩句我覺得已經很足夠，多謝你！
TO: 科高蘭尼紐約人
有病都黎投標，多謝！臨時臨急幫leefish投標，多謝！積極留言同埋鼓勵，多謝！你應該係我講得最多多謝既玩家，因為好多既小事你都主動幫忙，雖然小事，但係幫忙既心意係好令人感動，所以，多謝你！
TO: reve
記得你新年果陣可能玩唔到，好彩你都無放棄可以玩到，唔知你滿唔滿意果遊戲呢?多謝既係你每晚投標結果後既鼓勵說話，次次幫我加油，初頭處理果陣有好多甩漏想放棄，後尾都成功捱過去，都係多謝你！
TO: wongfanshing
玩完AVEEGO之後，以為FOA可以同刪除聯對下戰，可惜你有要事忙。另外，我都有睇過你響球迷講場寫既文章，內容十分精采，以後有機會或者時間就黎呢度吹水，再唔係LS我地約下戰都可以，多謝你！
TO: OldSosad
最期待你可以參加既一個好友，最初都諗住無咩可能你會參加，點知你真係黎參加，上位賽個陣好耐歷史，但係果陣既遊戲時光都幾開心，當時我直頭當吹水站咁吹，而家已經無咩可能再係咁，能夠抽空支持，C組組長，多謝你！
TO: ＴｕＮｇ
記得你上位隊波叫LOVENAMI(可能記錯，唔好意思)，但係好深印象你係用全形字體，當時又係上位賽知道你，但係好似少黎吹水，所以無咩交流，上次會參加返我都估唔到，希望遊戲帶到過去既歡樂回憶畀你，多謝你！
TO: 加歷查
唔知係咪我既問題影響左你，我記得你熱身賽用錢用得好盡，下週比賽就無咩錢，我果時好似無講明D錢會累積下一週比賽，搞到你唔知點，不過，你幫隊友硬食強勁對手，真係值得比個讚你，多謝你！
TO: bennylau127
臨急之下搵左你頂替實在唔好意思，好慶幸你能夠答應我玩一個禮拜時間，仲好認真咁玩落去，聽到你講遊戲都幾好玩，等我都唔會咁內疚，估唔到FOA 又可以同你做到隊友，真係我既榮幸，多謝你！
TO: leefish
雖然你唔可以完成哂成場賽事，有點可惜，但係你既參與，至少對遊戲有一份嘉許，希望日後有機會再黎玩或者留言支持，唔洗擔心會唔會中途退中問題，只要你有充份理由，其實都值得被原諒既，多謝你！
仲有好多人要多謝...............
包括freezefox,火鳳凰,國球旗,yanyan,youyou,Gabriel同埋好多留言既好友.................
[/擺到明呃POST博宣傳][ 此帖被lamho在2013-08-24 12:29重新編輯 ]
