結果我地都要六點幾差唔多入點先去到酒店。CHECK IN 同沖個涼後，馬上開車出去巿中心食飯（十幾分鐘車程）。再唔出去既話，收哂檔就無野食架啦。鄉下地方好早收工架D 食店。
我地選擇左一間叫德造丸既餐廳。佢係伊豆好出名架。幾乎每一個城鎮你都可以見到德造丸呢個名。佢原本係賣海產的。後尾自己攪埋餐廳。自己供應自己。所以食材都係比較新鮮。價錢亦比較大眾化。
四月既伊豆最當造就係金雕魚，另外，伊勢龍蝦就更加唔駛講啦。今晚一於食盡佢！補番上次去北海道有得睇無得食既遺憾！
先黎個魚生拼盤：
再黎個金雕魚刺身：
刺身之外，黎多個鹽燒：
伊勢龍蝦呀！！！不過無想象中咁好食………
加個龍蝦湯添：
炸物呢D 就梗架啦：
