[日本]老狐遊記：MELODEDE 東京賞櫻團 (P.8 富士山下) [復制鏈接]

一入到去，即刻出黎歡迎我地既唔係工作人員，而係一條海豚。正如我頭先講，呢到D 海豚都係養係海入面，當你係條吊橋到行黎行去個陣，D 海豚就係你身邊游黎游去，間唔中又會突個頭出黎「裝」下你。感覺好新鮮。




疑？你叫我呀？咩事呀？





望遠少少，沙灘個邊有人直頭可以落埋水，同D 海豚有親密既身體接觸添呀！呢個就係我專登要黎呢個水族館既原因啦。

一般水族館都會有既表演，唔多講，自己睇相：

比較特別少少既係有得比你試下訓練海豚，例如握手呀，跳起呀，唱歌呀咁。海豚做得好你就餵佢食條魚，都幾好玩架：

重頭戲就梗係我地期侍已久既「與豚暢泳」啦。小朋友就唔可以係沙灘到同D 海豚一齊游，驚你唔知游左去邊。要係D 魚排入面游，仲有個專人照顧你架。

我幾想落水個個係我………

睇佢地好似好好玩，其實有苦自己知。個日水溫得個15 度咋，即係同你沖「冰」水涼無分別。係冰水，唔係凍水………

另外又有日本水族館好興既企鵝出巡加合照啦：

然後我地食埋個午飯（話就話午飯，其實已經成三點了。玩到唔知時間……），我地就要離開伊豆，開兩三個鐘頭車去箱根了。


臨走都有驚喜。入到咩樂園呀，水族館呀，你對饍食既要求真係唔可以咁高。落得入口都算。但估唔到呢到竟然比我食到超美味新鮮既魚生飯！感動！

仲要係對住個海同海豚黎食添。更加無得頂！

下期預告：難得一見既富士山全貎！

你去d地方真係幾冷門喎，你點搵d資料架  

阿童木:你去d地方真係幾冷門喎，你點搵d資料架  [表情]  (2012-09-11 22:23) 

好冷咩？

sun:你比d相上黎睇下你係唔係真英俊先講啦...呀英俊哥哥仔...[表情] (2012-08-28 17:58) 

唔關我英唔英俊事..

阿童木:你去d地方真係幾冷門喎，你點搵d資料架  [表情]  (2012-09-11 22:23) 

其實都係睇書同上網咋………同你地無咩分別者………

可以近距離接觸同埋同海豚一齊游水既同類場地我去過...
不過呢個就無了...

落去同海豚游水要唔要另外收費?

我果時餵魚仔唔洗...但落水就要...不過當時係冬天...咪搞...

sun:可以近距離接觸同埋同海豚一齊游水既同類場地我去過...
不過呢個就無了...
落去同海豚游水要唔要另外收費?
....... (2012-09-12 10:27) 

梗係要比錢啦。


海洋公園個D 你係咁疑落佢個水池到浸下，同條海豚影下相，都收你七百五呀。


新加坡或者 其他地方都過千架。

freezefox:梗係要比錢啦。
海洋公園個D 你係咁疑落佢個水池到浸下，同條海豚影下相，都收你七百五呀。
....... (2012-09-12 12:33) 

問下啫...問下啫...