迪克:我只係唔會將冬季轉會DEADLINE等同續約DEADLINE
太子都未續約
咁佢係咪唔續一定自由身走？
.......
(2018-02-01 12:24) 
其實話雲加係「大羸家」云云，大家都知係反話。唔通真心以為佢暗黑兵法，運籌帷幄咩。串佢者。
正如我之前另一個POST 話，原本以為佢會輸到底褲都無埋，點知比佢執下一件，執下又一件，齋牌面睇又好似唔係咁輸蝕咋喎（即所謂最後一鋪自摸十番，一鋪翻本也）。係呢個角度黎講，佢又真係「羸 」家喎。
但增兵還增兵，效果如何一切成疑。你既懷疑其實大家一樣係咁諗。MK 係曼聯棄將，半季都表現不如理想。黎到阿仙奴就會突然變好？存疑。可能真係摩佬唔識用佢，雲加識，咁就要拭目以待。美羊係多仔成日比人話佢浪費機會。咁黎到阿仙奴，仲有冇咁多機會比佢浪費？存疑。又係要時間去證實。不過，兩個都係有級數有份量既球員，呢點卻不用存疑。咁你寧願將個希望，放係美羊同MK 身上，定係將個希望，放係燒鵝脾同韋大帝身上，呢個先係個分別哎嘛。
咁就算美羊、MK 通通對板。但阿仙奴既根本問題又真係從來都無解決過。無防中。呢方面，其實佢比利物浦更嚴重。利記都無純防中。軒達臣呢個位都只係勉勉強強。但至少，軒臣會全心全意，盡自己能力打好呢個位。但阿仙奴奴繼續用眼神防守專家夏卡打防中既話，咁就同自殺無分別。如果係太子搭藍斯，都仲好少少（少少咋）。但正如你話齋，太子留唔留都未知。又係存疑。留低左，有冇正選更加唔知。存疑X2。
無人天真到以為阿仙奴買到兩件棄將就會「一切好起來了」。頂多係唔會衰到貼地者。雖然，有唔少阿迷可能寧願阿仙奴衰到貼地，咁反而有機會死而後生。
